Antarctica

Antarctica

Koarte van Antarctica

Antarctica

Antarctica is 't continent round de Zuudpole van d' Eirde. Antarctica is genoamd noa den "Arctis", 't nôordpoolgebied, me 't voorvoegsel anti- (teegnover-). 't Is 't vuufde continent in ippervlak, achter Azië, Afrika, Nôord- en Zuud-Amerika en vôorn Europa en Australië.

• 
• 
• 
• 
• 

Geografie

Antarctica wordt omriengd deur den Atlantischn Oceoan, den Indischn Oceoan en de Grôotn Oceoan (volgens d' oude indêlienge in oceoann). Al de zêegebiedn round Antarctica, bezuudn de 60e brêedtegroad, wordn teegnwôordig benoemd ols de Zuudelykn Oceoan (of Antarctischn Oceoan). 't Land en 't woater round Antarctica wordt gezoamnlyk angeduud met den term Antarctis.

Eilandn die gerekend wordn toet Antarctica

• D' eilandn ip 't Antarctisch continentoal plat
• Eilandn die nie up 't Antarctisch continentoal plat liggn moa die geweunlyk anzien wordn ols dêel van Antarctica:
  • Zuudelyke Orkneyeilandn
  • Zuudelyke Shetlandeilandn
  • Zuud-Georgië en de Zuudelyke Sandwicheilandn
  • Bouveteiland
  • Heard en MacDonaldeilandn

Leevn up Antarctica

Antarctica is bykan hêlegans bedekt met een yskappe en 't continent is 't koudste gebied up eirde. Ênigte bêestn lyk pinguins, walvissn en zêehoundn leevn up de Zuudpole en ênigte plantnsôortn lyk mossn, algn en twêe soortn bloeinde plantn: Deschampsia antarctica, e sôorte ges en Colobanthus quitensis.

• 
  Pinguins up Antarctica

Trivia

In 1884 wierd er in "Svelvig" (Nôorweegn) e stoombôot gebouwd met de noame Patria, ôorsprounkelyk gebouwd ols walvisjoager. Loater is dien bôot deur "Adrien de Gerlache" gekocht vô de Belgische Antarctische Expediesje, woarmee dat hy de 16stn ogustus 1897 vertrok van Antwerpn noar Antarctica en den bôot krêeg de noame "Belgica".

Referensjes

• 't Latste Continent - hetlaatstecontinent.be
• Geschiedenisse van Antarctica - hetonbekendecontinent.nl

Mêer ofbeeldiengn die ier by passn ku je vien ip Antarctica ip Wikimedia Commons.