Arizona

Van Wikipedia

Arizona in de Verenigde Stoatn van Amerika

Arizona (AZ) is e stoat in 't zuydwestn van de Verenigde Stoatn. Bynoamn zyn Grand Canyon State en Copper State. D'n hoofdstad is Phoenix.

De stoat Arizona besloat 295.254 km². 't Grenst in 't zuydn an Mexico, in 't noordn an de stoatn Utah en Colorado, in 't westn an Nevada en Californië en in 't oostn an New Mexico. 't Punt woar dan de grenzn mè Utah, New Mexico en Colorado t'hopekomn, noemn ze Four Corners. In Arizona zyn der uytgestrekte indioanereservoatn.

Historie[bewerkn | brontekst bewerken]

't Gebied die nu de stoat Arizona vormt, wierd oorsproenkelyk bevolkt deur indioann, lyk de Hopi en de Navajo. D' eeste Spoansche oentdekkyngsreizigers arriveerdn roend 1540 in de streke. An 't ende van de 17e eeuwe wierdn missiepostn ipgericht vo d' inheemsche bevolkynge te bekeern toet 't christndom. In 1810 kwam 't gebied 'n oenderdeel van Mexico, moar achter de Mexicoans-Amerikoanschn Oorloge in 1848 most Mexico 't gebied grootndeels ofstoan an de Verenigde Stoatn.

Geografie[bewerkn | brontekst bewerken]

Arizona is e stoat van extreemn. 't Bestoat vor e groot deel uyt woestyne, binst dat 'n ander deel deursneen wordt deur de bergkeetn de Rocky Mountains. De belangrykste riviere is de Colorado, die e deel van de westgrenze vormt. De riviere stroomt deur de bekende diepe klove, de Grand Canyon.

De Grand Canyon