Colorado

Van Wikipedia

Colorado in de Verenigde Stoatn van Amerika

Colorado (CO) is e stoat in de Mountain states (bergstoatn), e gebied in 't westn van de Verenigde Stoatn. D'n hoofdstad is Denver.

De bynoame is The Centennial State omda 't in 1876 lid kwam van de US, 100 joar achter dat de Verenigde Stoatn oenofhankelyk woarn verkloard. De stoat is vernoemd noa de Coloradoriviere die de Spoansche oentdekkyngsreizigers de Río Colorado noemdegn (rood gekleurde riviere).

De stoat Colorado besloat 269.837 km². 't Grenst in 't noordn an Wyoming, in 't noordoostn an Nebraska, in 't oostn an Kansas, in 't zuydoostn an Oklahoma, in 't zuydn an New Mexico en in 't westn an Utah. 't Rakt Arizona in 't zuydwestn an de Four Corners, 't punt woar da Utah, New Mexico, Arizona en Colorado t'hopekomn.

Historie[bewerkn | brontekst bewerken]

't Gebied die nu de stoat Colorado vormt, wierd al 13.000 joar beweund deur indioann. De Ute bevolktn de bergdoaln van de zuydelyke en westelyke Rocky Mountains. De Arapaho en de Cheyenne trokn noa 't westn vo te joagn ip de High Plains.

In 1803 kochtn de Verenigde Stoatn de Fransche kolonie Louisiana, e gebied van oengeveer 2,1 miljoen km² te westn van de riviere de Mississippi.

De Colorado-oorloge was e gewoapnd conflict van 1863 toet 1865 tusschn de Verenigde Stoatn en Kiowa's, Comanches, Arapaho's en Cheyennes. 't Gevolg was dat al d' indioann gedeporteerd wierdn noar Oklahoma.

In 1876 kwam Colorado d'n 38ste stoat van de Verenigde Stoatn van Amerika.

Geografie[bewerkn | brontekst bewerken]

Colorado stoat bekend vo zyn diverse geografie, woaroender bergn, hoogvlaktes, diepe kloovn en woestyne met enorme zandduynn.

Heel 't groendgebied ligt 1000 meter boovn de zeispegel. In 't oostelyk deel lign de Great Plains, in 't westelyk deel de Rocky Mountains en 't Coloradoplateau. Nationale parkn zyn Rocky Mountain National Park, Black Canyon of the Gunnison National Park, Mesa Verde National Park en Great Sand Dunes National Park and Preserve.

White River National Forest in Colorado