Beaufort (kunsthappenienge)
Beaufort es een kunsthappenienge die iedere 3 joar deuregoat an de kust. 't Es een organisoatie van de vzw Ku(n)st in soamenweirkienge mè et Museum voor Moderne Kunst aan zee (PMMK) in Ostende. Gestart in 2003 zyn d'r oundertussn ol 2 happenings gewist.
2003 Beaufort: kunst aan zee
[bewerkn | brontekst bewerken]In 9 kustgemêentn woarn der kunstweirkn te zien van 33 kunsteneirs, gelyk
- Een bronzn schildpadde in Nieuwpôort: 'Op zoek naar Utopia' va Jan Fabre.
- Wim Delvoye: Cater Pillar – Chantier VII in Middelkerke.
- De Chatterdo van Blanknberge krêeg e parruke van d' Hollandsche beeldhouwster Maria Roosen.
Terzelfdertyd wos't er een tentôonstellienge in et PMMK round et thema 'Marines in confrontatie'.
2006 Beaufort
[bewerkn | brontekst bewerken]2006 Beaufort oat twêe ounderdêeln: de kunstweirkn die buutn stoundn in de belangrykste West-Vlamsche kuststeedn (Beaufort Outside) en de tentôonstellienge van heedndoagse kunsteneirs die beïnvloed gewist zyn deur René Magritte in het PMMK ('Beaufort inside').
De belangrykste publiekstrekkers en bekendste verteegnwoordigers van de happenienge woarn de kunstweirkn in de verschillnde steedn en gemêentn. Een aantol vôorbeeldn woarn:
- de kudde olifantn gemakt in out van Andries Botha in De Panne
- een grôte kobbe van Louise Bourgeois in Mariakerke
- drie kruupende baby's van David Černý ip 'n dyk in Middelkerke
2009 Beaufort of Beaufort 03
[bewerkn | brontekst bewerken]De mêest recente installoatie begoste ol direct mè spel. De Blankenbergenoars kostn nie lachn mè et kunstweirk in uddern stad: een replica van een Poolse krotweunienge deur de kunsteneire Kusmirowski. Ze vindn da je te letter ziet dat et een kunstweirk es, en dat et doarom et stroatbeeld ontsiert. De organisatoorn wildn da iplossn deur der een plakkoatje bie te zettn, moa da zie de kunstneire ton were nie zittn. Want volgns em es et juste de bedoelienge da et nie hêel duudelyk es da't een kunstweirk es.
Links
[bewerkn | brontekst bewerken]
|
Ofbeeldiengn die ier by passn ku je vien in de categorie Beaufort (art project) van Wikimedia Commons. |