David Černý

David Černý in 2013

David Černý (Praag, 15 december 1967), is e Tsjechischn beeldhouwer.

Černý is e creatieve rebel, nie allêne deur zyn rockstarimago in Tsjechië, moa surtout deur zyn provocerende kunste. Zyn satirische beeldn bekritiseern de kunstweireld en de soamnlevienge. Je maktege al kunstwerkn vo 1989, moa toch wordt zyn werk mêestal in verband gebrocht met de volksfêeste die uutbrak achter de val van d' Yzern Gordyne. Je schilderdege azo e Russischn tank in 't roze. Der volgde ton grôot protest.

Ip Beaufort 2006 woarn Černý's "Baby’s" te zien round de casino van Middelkerke. J'ha ze gemakt vo "Praag, culturele hoofdstad 2000". In 2007 het de stad Blanknberge drie baby's angekocht. Ze kruupn nu ip de casino.

Neffest beeldhouwn houdt Černý hem ook bezig mè cultureel activisme, film en technomuziek.

• 
  Russischn tank in 't roze
• 
  Krupende Baby's ip de TV-torre in Praag
• 
  Vint die an één oarm hangt, in e stroate van Praag
• 
  "Reuzefêeste", buskotje in Liberec
• 
  Gesture, David Černý, 21.10.2013, Praha
• 
  Praha

Ofbeeldiengn die ier by passn ku je vien in de categorie David Černý van Wikimedia Commons.

Externe koppeliengn

• Officiële site
• Baby's Beaufort 2006