Chatterdo

Van Wikipedia
Naar navigatie springen Naar zoeken springen
De chatterdo gezien vanof d'hoave
De Chatterdo in 't joar 1920. Reks 't woaterkastêelcomplex met de grôte schouwe vo d' evacuoasje van de verbrande goaze

De Chatterdo is de woatertorre van Blanknberge. De torre wordt ter plekke azo genoemd. 't Komt van 't Frans château d'eau (woaterkastêel).

De torre is 28 m hoge en bestoat uut e kegelvormige basis in rôo bakstêen, woarip da vroeger e kupe in yzer stound. Die kupe is in 1947 vervangn deur e reservoir in betong me bakstêen d'r round. De basis van de torre is in neorenaissancestyl gebouwd me siermetselwerk me pilasters en decoroasje in arduun.

De Chatterdo is e beschermd monument.

Geschiedenisse[bewerkn | brontekst bewerken]

Round 1860 wildege Blanknberge de stad antrekkelikker moakn vo de touristn, deur e rioleringsnet en woaterreservoir an te leggn.

Den 13ste meie 1893 begostn de werkn êest me 't bouwn van de sluuzn en 't groavn van de scheurpit. De werkn endigdn den 22stn juni 1895. De woaterkupe was 6,5 m hoge met e capaciteit van 500 m3.

In 1898 wierd er e woaterkastêelcomplex gebouwd woa da 't woater kost gezuverd wordn. 't Woater wierd angevoerd vanuut de Blanknbergsche Voart noar e vergoarpit by 't woaterkastêel en ton in reservoirs me zandfilters gepompt. Os 't woater gezuverd was wierd 't noa de kupe van de woatertorre gestuwd en van doa ounder druk over de stad verdêeld.

Varia[bewerkn | brontekst bewerken]

  • Round 1900 is de stroate an de scheurpit Waterkasteelstroate genoemd.
  • Vo Beaufort 2003 het de Chatterdo e parruke gekreegn van d' Hollandsche beeldhouwster Maria Roosen.
  • Koep de Chatterdeau was den titel van de joarlikse Blanknbergsche Revue in 2004, e parodie ip Beaufort 2003.

Externe koppeliengn[bewerkn | brontekst bewerken]