Bevern (Roeseloare)
| Bevern | |
|---|---|
| |
| Geografie | |
| Provinsje |  West-Vloandern
|
| Gemêente | Roeseloare |
| Coördinoatn | 50°58′NB 3°08′OL |
| Oogteliggienge | {{{hoogte}}} m |
| Ippervlakte | 10,59 km² |
| Inweuners – Bevolkiengsdichtheid |
5.615 (2007) 530/km² |
| Vintn Vrown |
{{{mannen}}}% {{{vrouwen}}}% |
| Andre info | |
| Postcode | 8800 |
| Zonenummer | |
 Kerke in 't centrum van Bevern | |
Bevern is e dorp in de provinsje West-Vloandern en e dêelgemêente van Roeseloare. Der zyn 5615 inweuners (tellienge van 2007) en 't wos toet 1965 e zelfstandige gemêente. Bevern ligt in 't nôordôostn van Roeseloare-centrum.
Geschiedenisse
[bewerkn | brontekst bewerken]De noame Bevern is ol were te viendn in documentn van de 11ste êeuwe. Êest wos 't Beverna, loater Bevrene, Beiverne, Bevre en Bevern. De noame Bevern verwyst noa 't Keltisch "Bebrona" (bebro-bever) of misschien komt 't van 't Germoans "Bivruno" (bivru=bever).
Vo de Fransche Revoluusje wos Bevern ingedêeld in twêe "heerlikheedn": Bevern en Onlede. Ols woapn voert 't dorp 't schild van Jan van Vloandern, heer van Bevern en Onlede, bastoardzeune van groaf Lodewyk van Male.
In 't boek "Beveren-Roeselare in de Grote Oorlog" schryft Gabriël Verbeke (geboorn in Bevern in 1937) over 't boeiend moa vergeetn oorlogsverleedn van Bevern. De burgers van Bevern zoatn vier joar lank, van 1914 toet 1918, ipgeslootn binn de grenzn van under gemêente. Ze mochtn moa weg uut Bevern mè toestemmienge van de Duutsche bezetter. Ze woarn verplicht van 's oaves binn te bluuvn en ze mochtn wok nie mè noar under dorpscafés. De Duutschers controleerdn olles, de productie en verdêlienge van 't groan, de petattn, groensels, 't fruut, koeien, melk en d' eiers. Teetn wierd gerantsoeneerd. De burgers van Bevern leefdn wok hêelsan ounder de dreigienge van 't oorlogsgeweld. De vintn wierdn ipgevorderd vor an 't frount te goan werkn. En vele families mostn in 1917 ip 't bevel van de Duutschers olles achterloatn en noa 't verre Herentals verhuuzn. Bevern zag der uut lik e spookdorp.
Loater wos Bevern toet 1960 e rustig boeredorptje met één grôot bedryf, de carrosserie Jonckheere. Vanof 1960 is Bevern styf veranderd. In de plekke van 't stoasjekwartier kwamt er een industriezone, "Roeselare-Noord" en in 1987 e bedryvncentrum woa dan begunnende zelfstandign under bedryf voorlopig kunn ipstartn.
Beziensweirdigheedn
[bewerkn | brontekst bewerken]
- De parochie H.Kruisverheffing wos vroeger de St.Germanusparochie. Achter e luchtbombardement van de Duutschers in juli 1918 is de kerke in 1923-1925 heripgebouwd in gilwe zandstêen. By de kerke stoat er e schandpoale uut 1778 en e monument vo de twêe weireldoorloogn.
- Sedert ogustus 1970 is 't er wok e kerke ip de Kapelhoekwyk, de St.-Catharinakerke.
-
Oorlogsmonument an de kerke -
Schandpoale van Bevern -
Claeyssens kapelle
_Oorlogsmonument_01.JPG)
-Schandpaal.jpg)
Bekende menschn
[bewerkn | brontekst bewerken]- Ip 't kerkhof van Bevern ligt de coureur Jean-Pierre Monseré begroavn t' hope mè zyn zeuntje, die in 1976 ip 7-joarige leeftyd veroungelukte mè zyn velootje, gekreegn van Freddy Maertens vo zyn êeste communie.
Externe koppelienge
[bewerkn | brontekst bewerken]
|
Ofbeeldiengn die ier by passn ku je vien in de categorie Beveren (Roeselare) van Wikimedia Commons. |