Bloemmeulns

Van Wikipedia
Naar navigatie springen Naar zoeken springen
Dit artikel zou beter herschreevn zyn in 't Diksmuuds.

De Bloemmeulns uut Diksmude zyn de overbluufselen van een oude moaldery. Sedert 2006 es't gerenoveerd en es't museum "Tussn Akker en Bakker" der oundergebrocht.

Geschiedenisse[bewerkn | brontekst bewerken]

De bloemmeulns woarn êest een suukerfabrieke (1836 - 1881), moar in 1890 kochtte Eugene Devos de fabrieke, omda zyn zoake an de Wilgendyk in Diksmude te klêene wos gekoomn. Ie bouwde de fabrieke omme voo der groan te moaln ip stôomkracht. In de Êestn Weireldoorloge sleegn de Duutser et gebouw an om der een vestienge me uutkiekpost van te moakn, de 'Kückstellung'. Achter den oorloge lag Diksmude en de bloemmeulns hêlegans in puun. Eugene Devos eit lange op schoadelôostellienge moetn wachtn om zyn bloemmeulns were ip te bouwn, moar in 1923 wos't zo verre. 't Eit 10 joar gedeurd vôor da de bloemmeulns weere ipgebouwd woarn, moar ze woarn ton ôok vôorzien van de modernste massinn. In 1931 kwaamn de families Florizoone en Cloet eigenoare van de bloemmeulns, êest nog "S.A. de Minoterie et Huileries de Dixmude" genoemd, moar loater eirdôopt tot "NV De Bloemmolens en Olieslagerijen van Diksmuide". De oliesloagery oat gin lang leevn beschoorn, want in 1960 es't gestopt, om in 1975 plekke te moetn moakn voo nen andel in groan en meststoffn. Vanof de joarn neegntig begostn de eigenoars te produceern in de Diskmuudse industriezone en bloedde de bloemmeulns geleidelyk an dôod. In 2006 ging de reste van de productie noar Deinze by de "NV Dossche Mills and Bakery".

Museum[bewerkn | brontekst bewerken]

In 1995 woarn de bloemmeulnstoorns en de massinn beschermd als esthetisch en industrieelarcheologisch monument. In 2000 ging Westoria oopn, een streekmuseum en tentôonstellienge over de Westoek. Da museum moeste stoppn in 2003, omda het te klêen aantal bezoekers de zwoare investeriengn nie koste compenseern. Moar uut de restantn van het êeste museum es't gedacht gegroeid voor et museum van vandoage, da de evolutie van groan tot blomme tôont Doarby ligt de noadruk ip de oude massinn en de geschiedenisse van't proces.

Externe koppelienge[bewerkn | brontekst bewerken]