Boule de Berlin

Van Wikipedia
Ga naar: Begunplekkn, zoeken
Boule de Berlin

Een Boule de Berlin of Boule de L'Yser is een sôorte boogvuldre (patisserie) van de familie van de beignets.

Recept[bewerkn | brontekst bewerken]

't Recept is redelik specifiek. Dat hèt alles te moakn mè 't bakkn. Vo 't dêeg wordt er buutn blomme ook eiers, woater, melk, zout, sukers, rysmiddel en neffest beuter ook verschillige vettn gebruukt. 't Dêeg moe genoeg gekneed wordn en zeker ook genoeg ryzn. Os 't dêeg nie genoeg gereezn is ontploffn de bolln by 't contact met de friteurolie, ofwel absorbeern ze d' olie lik e spoensje. Achter 't bakkn wordn de boules gekoeld en gevuld me crème of confiteure. Ton wordt er blomsuker ipgestrôoid.

Geschiedenisse[bewerkn | brontekst bewerken]

Der zyn al mè confiteure gevulde bolln ontdekt in Egyptische groavn die dateern van vo 2000 joar v.C. Binst de middelêeuwn woarn der al verschillige varioaties van 't recept en in 1775 is d' êeste definitië van Berlynsche bolle weregevoundn: een rounde bolle uut gesukerd dêeg, gebakkn in friteurvet, gevuld mè frambooznconfiteure en bestrôoid me blomsuker.

Oorloge[bewerkn | brontekst bewerken]

Achter den Êestn Weireldoorloge wildn de menschn de noame Boule de Berlin nie mè gebruukn omdat da te Duuts klounk. Doarom wierd de boule ommegedopt noa Boule de L’Yser. Tegenwoordig meug je gerust were Boule de Berlin zeggn zounder schêef bekeekn te wordn.

Zelfste sôorte patisserie[bewerkn | brontekst bewerken]