Naar inhoud springen

Bousignies

Van Wikipedia
Vrankryk Bousignies
[[Ofbeeldienge:|80px]]

Bousignies en oumligg'nde gemêentn
Geografie
Regio Hauts-de-France
Departement Noorderdepartement
Arroundissement Valencyn
Kanton Sint-Amands an de Skarpe
Coördinoatn 50°26′NB 3°20′OL
Ippervlak 3,14 km²
Inweuners
Inweuners

Bevolkiengsdichtheid

343 (2018)
109 inw./km²
Andere
Burgemêester Véronique Leroy
Postcode 59178
Webadres


Bousignies es e gemêente in Vrankryk in't Noorderdepartement. 't Ligt hil o de ôostzuudkantn van Frans-Vloandern, mêer bepoald in't nôordwestn van't arroundissement Valencyn, ip't schee'n mè 't arroundissement Dowoai. Bousignies grenst an de gemêentn Brillon, Rosult, Millonfosse en Tilloy by Marsenne.

Liggienge[bewerkn | brontekst bewerken]

Bousignies ligt o de zuudkantn van d'oude boane van Ôorschie richtienge Sint-Amands an de Skarpe (d'uudige D953). An de nôordôostgrenze van de gemêente lôopt d'A23-ottostroade tusschn Villeneuve d'Ascq en Valencyn.

Bousignies es êen van de gemêentn die liggn in't Regionoal Nateurpark in't bekkn van de Skarpe en de Schelde (Parc naturel régional Scarpe-Escaut), zynde 't gebied round Sint-Amands an de Skarpe die beschermd es deur zyn uutgebreyde biodiversityt. De Skarpe strôomt ôok nie ol te vet verre van 't groundgebied van de gemêente, juuste e bitje mêer o de zuudkantn, by 't schee'n van de gemêentn Millonfosse en Hasnon.

Tout an de Fransche Revoluusje wos Bousignies, tôope me Millonfosse en Hasnon zelve, en êerlykeyd van d'abdeye van Hasnon.

Sport[bewerkn | brontekst bewerken]

De finoale van de koerseklassieker Parys-Roubei èit ol e poar kêers olangsn de gemêente gepasseerd. Ip't groundgebied van Bousignies ligter ôok e kasseystroke: 't ende van de Secteur pavé de Millonfosse à Bousignies (e gemiddeld moeilyke strooke van 3 ster'n die 1,4 kilomèiters lank es), die de latste kêer'n ip't parcours van Parys-Roubei lag in de joarn 2011 en 2012. In de Tour de France van 2022 ryd'n de coureurs ôok oover die kasseystrooke in de finoale van de vuufde etappe van Rysel noar Oarenberg, mo ton in d'oumgekêerde richtienge.

De kapelle van Bousignies
Wikimedia Commons