Rosult

Rosult
Rosult en oumligg'nde gemêentn
Geografie
Regio	Hauts-de-France
Departement	Noorderdepartement
Arroundissement	Valencyn
Kanton	Sint-Amands an de Skarpe
Coördinoatn	50°26′NB 3°21′OL
Ippervlak	8,16 km²
Inweuners
Inweuners Bevolkiengsdichtheid	1911 (2017) 234 inw./km²
Andere
Burgemêester	Nathalie Colin
Postcode	59230
Webadres	Site van Rosult

Rosult es e gemêente in Vrankryk in't Noorderdepartement. 't Ligt hil o de ôostzuudkantn van Frans-Vloandern, mêer bepoald in't nôordwestn van't arroundissement Valencyn. 't Ligt ip't schee'n mè 't arroundissement Dowoai, nie ol te vet verre van de Schreeve en de provinsje Enegouwn. Rosult grenst an de gemêentn Lecelles, Sint-Amands an de Skarpe, Millonfosse, Bousignies, Brillon, Sars-et-Rosières, Landast en Saméon.

't Center van Rosult ligt o de nôordkantn van d'oude boane van Ôorschie richtienge Sint-Amands an de Skarpe (d'uudige D953). An de zuudgrenze van de gemêente lôopt d'A23-ottostroade tusschn Villeneuve d'Ascq en Valencyn. In Rosult ester ôok e stoasje an d'yzerboane die lôopt van Rysel oover Ôorschie richtienge Valencyn.

Rosult es êen van de gemêentn die liggn in't Regionoal Nateurpark in't bekkn van de Skarpe en de Schelde (Parc naturel régional Scarpe-Escaut), zynde 't gebied round Sint-Amands an de Skarpe die beschermd es deur zyn uutgebreyde biodiversityt.

Beziensweirdigeedn

• De Sent-Nikloajkerke

De Sent-Nikloajkerke van Rosult

Ofbeeldiengn die ier by passn ku je vien in de categorie Rosult van Wikimedia Commons.