Broekburgvoart
De Broekburgvoart (Frans: Canal de Bourbourg) es en kanal in Vrankryk in't Noorderdepartement van 19,5 kilomèiters lank. 't Es en ounderdêel van't strôomgebied van de riviere de Aa. 't Kanal es gegroavn 't end de zeevntiende êeuwe in ipdracht van Louis XIV, me als Vauban als ingenieur.
De Broekburgvoart verbindt de Aa an de westkant van't stadje Broekburg me de binn'nhoavns van Duunkerke. 't Passeert deur Kroaiwyk en de zuudkant van Groot-Sintn en lôopt vodder tusschn de gemêentn Kleen-Sintn en Kapelle en endigt in't verbindingskanal in de binn'nhoavns van Duunkerke, woada't kanal tegoare komt me de Hoavndyk, 't Kanoal Nieuwpôort-Duunkerke en de Moerenvoart.
Juuste achter Kroaiwyk start er e vertakkienge die richtienge Mardyk en 't Duunkerksche hoavnbassin lôopt, 't Ofvoerkanoal van Mardyk. By 't gehuchtje Koppenaksvoorde (da vo 't grôotste stik by de gemêente Broekkerke ôort) strôomt 't Ofvoerkanoal van de Kolme in de Broekburgvoart. Ezo makt 't Ofvoerkanoal van de Kolme de verbiendienge tusschn de Broekburgvoart en 't Kanoal van de ôoge Kolme.
|
Ofbeeldiengn die ier by passn ku je vien in de categorie Canal de Bourbourg van Wikimedia Commons. |