Brugsche stadspôortn
De stadspôorten van Brugge wierdn gebowd in drie stappn : den êeste ki binst den êestn êft van de 9ste êewe, by de versterkienge van de teegwôordige Burg, de twidde ki in 1127-1128, by den anleg van d' êeste stadsoemwollienge of vestn roend Brugge (mêt oendr andre de teegnwôordige binnenreien), en de derde ki in 1297, by den anleg van de twidde en grotre vestn roend de stad.
Vestn Burg
[bewerkn | brontekst bewerken]- Westpôorte, by d' Ofbrugge oovre de Reie in de teegnwôordige Breidelstroate;
- Ôostpôorte, by d' Oogstroate;
- Zuudpôorte, by de teegnwôordige Blêndn-Eezlestroate;
- Nôordpôorte, verzeekrs geleegn by de Philipstockstroate.
Êeste vestn
[bewerkn | brontekst bewerken]- Nôordzandpôorte, an 't ende van de Nôordzandstroate : verbiendienge mê Gistel, Oednburg, Yper, Rysel;
- Zuudzandpôorte, an 't ende van de Zuudzandstroate : verbiendienge mê Gistel, Oednburg, Yper, Rysel;
- Eezlpôorte of Sint-Jakobspôorte, an 't ende van de Sint-Jakobsstroate : verbiendienge met de Kuste en de Polderstreeke;
- Vloamienkpôorte, an 't ende van de Vloamienkstroate : verbiendienge met de Kuste en de Polderstreeke;
- Koetelwykpôorte, an de teegnwôordige Keuniengsbrugge oovre de Speeglreie : meuglyk verbiendienge mê Damme;
- Oede Meulnpôorte, an 't ende van d' Oogstroate : verbiendienge mê Eirdnburg en vermoedlik ook Antwerpn;
- Mariapôorte, an 't ende van de Mariastroate : verbiendienge mê Gent en Kortryke.
In tekstn uut de 13ste êewe wordn die pôortn genoamd zoendre vermeldienge van byzoendreedn. Dr zyn ook gin ofbeeldiengn van die gebown.
Twidde vestn
[bewerkn | brontekst bewerken]- Eezlpôorte an 't ende van de Eezlstroate : verbiendienge mê de Kuste en de Polderstreeke;
- Smeepôorte, an 't ende van de Smeestroate : verbiendienge mê Gistel, Oednburg;
- Boeveriepôorte, an 't ende van de Boeveriestroate : verbiendienge met Diksmuude, Yper, Rysel;
- Katelynepôorte, an 't ende van de Katelynestroate : verbiendienge mê Kortryke;
- Gentpôorte, an 't ende van de Gentpôorte-stroate: verbiendienge mê Gent;
- Kruuspôorte, an 't ende van de Langestroate : verbiendieng mê Eirdnburg en vermoedlik ook Antwerpn;
- Dampôorte, an 't ende van de Langereie en Potteriereie : verbiendieng mê Damme en Sluus; → in 't begun 3 pôortn :
De Dampôorte, de Boeveriepôorte en de Katelynepôort zyn verdweenn; allêene mo de Smeepôorte, de Eezlpôorte, de Gentpôorte en de Kruuspôorte bluuvn oovre.
-
Eezlpôorte -
Smeepôorte -
Gentpôorte -
Kruuspôorte
