Vloamienkstroate

Van Wikipedia
Naar navigatie springen Naar zoeken springen
Dat artikel es geschreevn in 't Noordelik West-Vlams.

Zicht ip d’ alletorre mê de Vloamienkstroate ip de vôorgroend.
Stroatnpatrôon roend de Vloamienkstroate, vlak vôo de bow van 't Stadsteoatre, ip 't plang van Philippe-Christian Popp.
De Vloamienkstroate verby 't Oede Beurze-pling, richtienge Vloamienkbrugge.

De Vloamienkstroate is e stroate in 't êrte van Brugge.

Geschiednisse[bewerkn | brontekst bewerken]

Vloamienkstroate was e veele vôornkommnde noame, van 't zyndr achte gewist mê die noame in Brugge:

  • 't Vlaemynckstraetkin in de Belsebutstraat (têegnwôordig Balsemboomstroate);
  • 't Vlamyncstraetkin bi de Angwaeretstrate (têegnwôordig Howrstroate);
  • 't Vlaemyncstraetkin bi de Speiepoort, an 't ende van de Potteriereie;
  • 't Vlaemincstraetkin in d' Oude Gentweg, alsoo men keert ten groeninghewaard;
  • Cleen Vlaemincstraetkin in de Niewe Gentweg;
  • Vlaminctraetkin, bi Nestkinne;
  • Corte Vlamincstraetkin in den Ôostmêers;
  • de Vlamingstraat in 't stadscentrum.

Die latste stroatnoame bestoend aa styf vroeg :

  • 1259: in platea Flammingorum;
  • 1288: pro calceia in vico Flammingorum;
  • 1315: Vlamincpoortstrate.

't Wôord Vloamienk (dat trowns ook buutn Vloandern in stroatnoamn vôornkomt, lik in Antwerpn, Leuvn, Hasselt, Kortryke, Maldegem en Bonen), ê nieks mê d' inweunrs van 't Groafschap Vloandern te moakn. 'Vloamienk' (ofgeleid van 'Flamma') wilde zeggn lêegliggnde moerasgroend of oovrstroomd land en doa a Brugge in de middelêewn gin gebrek an. Mê De Vloamienk of Vloamienk-oek wierd de hêele moerassige vlakte bedoeld tusschn d' êeste vestiengn van de stad Brugge en de Yprleet (têegnwôordig den Ostensche voart) en by uutbreidienge de beweuners van da verzoopn land.

Ook elders ê Karel De Flou veele moerassige stikkn groend ipgeschreevn die lik 'vlamynck' wierdn angeduid, lik in in Oazebroeke, Langemark, Oetave, Snellegem, Pittem, Ôostkamp, Cadzand enz. Ook styf veele stroatnoamn, of noamn van ofsteen, wykn, sluuzn, stikkn land, akkers, polders, wêezn nor in ôorsproenk moerassige groend.

D' ôorsproenklikke betêeknisse gienk verlôorn en de poar stroatn woada de noame in Brugge oovreleefde, wierd zeekre aa in de 16ste êewe begreepn lik de stroate van de Vloamingn. E dokuument uut 1537 vermeldt: en la rue des Flandres, dicte de Vlamyncstrate.

De Vloamienkstroate liep ôorsproenklik van de Grôote Mart toe an 't Oede Beurze-pling. 't Twidde dêel, da van 't Beurze-pling toe an de Vloamienkbrugge liep, êete toe ip 't ende van de 18ste êewe de "Korte Vloamienkstroate". De humaniest Juan Luis Vives en de schildre Adriaen Isenbrant ên in de Korte Vloamienkstroate geweund. De noame Beurze-pling wierd mindre en mindre gebruukt en wastr nie mêe otr offiesjêele noamn an stroatnn en plings wierdn gegeevn. Do brocht ton ook mee da de Vloamienkstroate de 'Korte' Vloamienkstroate ipslokte.

Nor anleidienge van de bow van 't Stadsteoatre wierd de Vloamienkstroate groendig angepast. Ierdeure veranderde 't stroatbeeld straf veele.

Plingsjes[bewerkn | brontekst bewerken]

Binn de Vloamienkstroate zyndr 'n antal verbriddriengn die 't karaktr ên van e klêen pling, mo no noame dêel uutmoakn van de Vloamienkstroate.

  • De noame "Teoatre-pling" wordt wêl e ki gegeevn an de platse vlak vôorn 't Stadsteoatre, woa datr e stanbeeld van Papageno stoat. Die noame êd echtre allêene 'n ienformêele betêeknisse.
  • Teegnoovre 't Teoatre ligtr ook e plingsje mêt ip de groend broenzn ploatn mê doarip d' êeste reegls van Eine Kleine Nachtmusik. Ook da pling ôort volledig toe de Vloamienkstroate. Ook de styf korte stroate (tientol meetrs) die no 't Kroane-pling, lopt, is dêel van de Vloamienkstroate.
  • De Beurze of Ter Beurze (zoendr pling) is e benoamienge die toe in d' 18ste êewe vo 't plingsje teegnoovre 't uus Ter Beurze gebruukt wierd, in de 19ste êewe Oede Beurze-pling wierd, mo loatre verdwêen.

E bitje voddre kykn[bewerkn | brontekst bewerken]

  • (fr) Duclos, Adolphe 1910 : Bruges, histoire et souvenirs, Brugge.
  • (nl) De Flou, Karel 1935 : Woordenboek der Toponymie (...), Deel 16, Brugge.
  • (nl) De Smet, Jos 1945 : De Brugsche straatnamen in 1399, Brugge.
  • (nl) Schouteet, Albert 1947 : De Vlamingstraat, in : Brugsche Courant, 26 april.
  • (nl) Buysse, Emiel 1963 : De oude historie van de Vlamingstraat en hoe de straat aan haar naam gekomen is, in : Burgerwelzijn, 23 november.
  • (nl) Schoutteet, Albert 1977 : De straatnamen van Brugge. Oorsprong en betekenis, Brugge, ISBN 9789062675036.
  • (nl) De Brabandere, Frans 1978 : De plaatsnaam Vlamingstraat, in : Brugs Ommeland.
  • (nl) Beernaert, Brigitte e.a. 1990 : Vlamingstraat, de stadsschouwburg, in : 19de-eeuwse architectuur in de binnenstad, Open Monumentendag 1990, Brugge.
  • (nl) Beernaert, Brigitte e.a. 1990 : Vlamingstraat, de H. Hartkerk, in : 19de-eeuwse architectuur in de binnenstad, Open Monumentendag 1990, Brugge.
  • (nl) Beernaert, Brigitte e.a. 1992 : Vlamingstraat 33, Genuese Loge, in : 15de-eeuwse architectuur in de binnenstad, Open Monumentendag 1992, Brugge.
  • (nl) Beernaert, Brigitte e.a. 1992 : Vlamingstraat 35, Huis Ter Beurse, in : 15de-eeuwse architectuur in de binnenstad, Open Monumentendag 1992, Brugge.
  • (nl) Beernaert, Brigitte 1994 : Vlamingstraat 78, de Gouden Poort, in : Monumenten van vervoer)ing), Monumentendag 1994, Brugge.
  • (nl) Beernaert, Brigitte 1998 : Vlamingstraat 27, de Koninklijke Stadsschouwburg, in : 10 jaar monumenten en feest, Open monumentendagen Brugge 1998, Brugge.
  • (nl) Beernaert, Brigitte e. a. 1999 : Vlamingstraat 33, de Genuese Loge, in : Via Europa, reisverhalen in steen, Open monumentendagen Brugge 1999, Brugge.
  • (nl) Beernaert, Brigitte e. a. 1999 : Vlamingstraat 35, het Huis ter Buerse, in : Via Europa, reisverhalen in steen, Open monumentendagen Brugge 1999, Brugge.
  • (nl) Beernaert, Brigitte e. a. 1999 : Vlamingstraat 64-66, De Cleene Veronycke, in : Via Europa, reisverhalen in steen, Open monumentendagen Brugge 1999, Brugge.
  • (nl) Beernaert, Brigitte e. a. 2002 : Vlamingstraat 29, de Stadsschouwburg, in : Een tuin is meer dan er staat, Open Monumentendagen 2002, Brugge.
  • (nl) Beernaert, Brigitte e. a. 2002 : Vlamingstraat 7, de Ramon, in : Wandelgids met 33 verhalen uit de oude stad, Brugge.
  • (nl) Beernaert, Brigitte e. a. 2002 : Vlamingstraat 19, 't Ketelkin, in : Wandelgids met 33 verhalen uit de oude stad, Brugge.
  • (nl) Beernaert, Brigitte e. a. 2002 : Vlamingstraat 35, Huis Ter Beurze, in : Wandelgids met 33 verhalen uit de oude stad, Brugge.
  • (nl) Beernaert, Brigitte e. a. 2002 : Vlamingstraat 64-66, de Werregaere, in : Wandelgids met 33 verhalen uit de oude stad, Brugge.
  • (nl) Beernaert, Brigitte e. a. 2006 : Vlamingstraat 35, huis Ter Buerse, in : Import - Export, Open monumentendagen Brugge 2006, Brugge.
  • (nl) Beernaert, Brigitte e.a. 2007 : Vlamingstraat 55, huis Duurburch, in : Wonen, Open Monumentendagen 2007, Brugge.
  • (nl) Beernaert, Brigitte e.a. 2007 : Vlamingstraat 88, huis de Bornedrager, in : Wonen, Open Monumentendagen 2007, Brugge.
  • (nl) Debrabandere, Frans 2013 : Brugse plaatsnamen, in : Brugge die Scone.
  • (nl) Beernaert, Brigitte e.a. 2013 : Vlamingstraat 78, De Gouden Poort, in : Het beste van 25 jaar, Open Monumentendagen 2013, Brugge.
  • (nl) Deschaumes, Christophe e.a. 2014 : Vlamingstraat 17. Ambachthuis van de kuipers, in : Erfgoed nu, vroeger en in de toekomst, Open monumentendag 2014, Brugge.

Eksterne koppliengn[bewerkn | brontekst bewerken]