Bustel

Van Wikipedia
Verschillige sortn voagbustels

E bustel is e dienk voun te voagn of te kuuschn. 't Bestoan vele sôortn bustels.

In 'n êestn elft van de twintigste êeuwe wos Yzegem weireldberoemd vô zyn vele bustelfabriekn. Nu schietn er moa 'n stik of vuve mêer over.

Sôortn bustels[bewerkn | brontekst bewerken]

  • Voagebustel of voagbustel: geweunn bustel van ôorsproung in out met zwynoar, mo nu oek ol in metoal, plastiek en me syntetisch oar.
  • Ruuscher: de groevn bustel met outn of dik nylon oar, voe groeve diengn te voagn, lyk den dam en de stroate.
  • Scheurbustel: e nie te grôotn bustel voun art te frottn en om de grotste vulegeid van je vloer te scheurn, vôorn da je 't woater oftrekt met e trekker. Soms wel ne kê en ankertje genomd noa 't merk Anker.
  • Zwientje of andbustelke: klêen busteltje voe vulegeid in e vuulblek te doen, mêestol wuk daj met e voagebustel niet weg krygt.
  • Kobbejoager: voe kobbenettn weg te doen
  • Tandebustel: voe je taans te kuuschn
  • WC-bustel: voun pot uut te kuuschn ander fringspôorn zyn
  • Schilderbustel: voe te schildern, in olle sôortn grottn
  • Schoebustel: voe je schoen te kuuschn en up te blienkn
  • Oarbustel: voe lank oar te kammn
  • Klêerbustel: voen oar en pluzetjes van je klêers te doen
  • Scheirbustel: voe scheirschuum aje koakn te doen
  • Stoalbustel of bronsbustel: voe 't arte kuuswerk: barbecues, rostegie ofwryvn van yzer, n' eird ipkuusn, ...