Cadel Evans

Van Wikipedia
Cadel Evans
Evans in 'n boai van weireldkampioen
Persoonlikke informoatie
Noame Cadel Evans
Gebortedoatum 14 februoari 1977
Geborteplekke Katherine, Australië
Lengte174 cm
Gewichte64 kg
SpecialisoatieRoundewerk, Tydryen, Klemklassiekers, MTB (vroeger)
Ploegen
Ploeg van nuBMC Racing
Ploegen van toun
2001-2002

2002-2003
2003-2005
2005-2010

2010-
Saeco

Mapei
T-Mobile
Silence-Lotto

BMC Racing
Portoal Sport

Cadel Evans (14 februoari 1977, Katherine) is en Australischn coureur die vroeger mountainbiker wos en nu surtout goed is in 't roundewerk. 't Is 'n êestn Australiër die weireldkampioen ekommn is en oek 'n êestn die 'n Tour won.

Jeugd en leevn buutn de koers[bewerkn | brontekst bewerken]

Cadel Evans is ebôorn in Katherine, Northern Territory in Australië en ne wunde at 'n kiend wos in e plekke me nog gin 100 menschn. E wunt nu in Italië en 'n is oek etrouwd met en Italioansche muzieklêroaresse, Chiara Passerini.

Mountainbike[bewerkn | brontekst bewerken]

Evans rêde in zyn jeugd surtout met 'n mountainbike en ne pakte verschillige medallies up de weireldkampioenschappn voun de jeugd (juniors en beloftn). In 2004 en 2005 won 'n oek 'n algemêenn weireldbeker. E wos êen van de grôte favorietn voun d'Olympische Speeln van Sydney, mo doa lukte 't nie echt goed en ne wos mo 'n zeevnsn. Toune is 'n echt veraard no de geweune koers, êest byn 't Italioansche Saeco.

Route[bewerkn | brontekst bewerken]

In 2002 die Evans mei met 'n Giro en ne pakte 'n roazn boai in 'n 16sn rit, mo 'n dag derup stoeg 'n stille up 'n latstn klem en ne viel were no de 14ste plekke. E toogde doa wel voun 'n êeste kêe zyn meugelikheedn in e grôte rounde, e won in de joarn die volgdn oek twi kirs de Rounde van Ôostnryk. In 2005 is 'n begunn ryen byn Lotto en doa mucht 'n olles up 'n Tour zettn, en achtste plekke wos zyn uutslag, 't joar derup wos 'n ol 'n vierdn. De 2 joarn derup dei 'n were mei en verlôor 'n twi kirs van e Spanjoard: Contador in 2007 en Carlos Sastre in 2008. In dat êeste joar hoalde 'n oek e vierde plekke in de Vuelta en êreplekkn in de Rounde van Lombardeye en 't weireldkampioenschap en won 'n weireldbeker, vôorn Davide Rebellin en Contador.

2009 moeste 't joar van Evans zyn, mo 't lukte nie in 'n Tour, want doa wos 'n mo 'n 30sn. Da joar wos 'n wel 'n derdn in de Vuelta en won 'n Weireldkampioenschap in Mendrisio in Zwitserland, olhoewel dat 'n eigentlik moeste ryen voun Simon Gerrans. Up 't ende gienk 'n egliek deure en niemand kuste nem werepakkn. E veranderde in de wienter van ploeg, BMC Racing hoalde nem binn voun in 2010 nunder kopman in de grôte roundes te kommn. E kuste die rolle me gedêeltelik upneemn, want in 'n Tour hoalde 'n e 26ste plekke, wel achter dat 'n evolln hadde en zyn elleboge ebrookn had. In 'n Giro dei 'n wel beter, met e vuufde plekke, e rit, de punteboai en d'Azzurri d'Italiaboai. De Woalschn Pyl zette 'n oek by up zyn lystje.

In 2011 kwam toune 't hogtepunt van zyn carrière: niemand hadde nog epeisd dat Evans 'n Tour kuste winn, mo ne dei het egliek: in 'n tydrit up 'n vorlatstn dag moest 'n 57 secondn pakkn up Andy Schleck, mo ne pakte 2 menuutn 'n hoolf. Ezo is met zyn 34 'n oudstn Tourwinnoare van achter 'n Twiddn Ôorloge.

Overzicht[bewerkn | brontekst bewerken]

2005: 8
2006: 4
2007: 2 (1 rit, achter deklasserieng van Vinokourov)
2008: 2 (5 doagn gilvn boai)
2009: 30
2010: 26 (1 dag gilvn boai)
2011: 1 (1 rit)
2002: 14 (1 dag roazn boai)
2010: 5 (1 rit, Punteboai, Azzurri d'Italiaboai)
2004: 60
2007: 4
2009: 3 (1 dag goudn boai)
  • Woalschn Pyl: 2010
  • Rounde van Ôostnryk: 2001, 2004

Settimana internazionale di Coppi e Bartali: 2006

  • Rounde van Romandië: 2006, 2011
  • Tirreno-Adriatico: 2011

Externe koppelienge[bewerkn | brontekst bewerken]