Casablanca

Van Wikipedia

Zichtn van Casablanca.

Casablanca [1] (Aroabiesch : الدار البيضاء [ed-Dar el-Biḍa]; letterlik : "Wit Uus"), de grotste stad van Marokko, is geleegn in 't westlik dêel van 't land ip den Atlantischn Oceoan. 't Is ook de grotste stad van de Maghreb, en êen van de grotste en mêest belangryke steedn in Afrika, zowêl ekonomiesch lik no bevolkienge.

Casablanca is vo Marokko de belangrykste haavn en centrum van de nyvreid. De volkstellienge van 2012, angepast mê recente gegeevns, gaavn e bevolkienge van oengevêer 4 miljoen in de prefekteure van Casablanca en oengevêer 5 miljoen mê hêel de streeke van Grôot-Casablanca. Casablanca wordt bekeekn lik 't ekonomiesch- en zaakncentrum van Marokko, terwyl da Rabat de polletieke oofstad is.

De leidnde Marokkoansche kompanien, en internasjonoale kommersjêele matschappien die doa zaakn doen, ên undre oofdzeetle en belangrykste buroos en nyvreidsgebown in Casablanca. Recente nyvreidsstatiestiekn toogn da Casablanca zyn histooriesche posiesje bewoart lik belangrykste nyvreidsstreeke van 't land. De haavn van Casablanca is êen van de grotste kunstmoatige haavns van de weirld [2] en de grotsn van Nôord-Afrika [3]. 't Is ook 't belangrykste steunpunt vo de Keunienklikke Marokkoansche Zêemacht.

Etymologie[bewerkn | brontekst bewerken]

De noame van de stad komt van 't Portugees branca [wit] en casa [uus]. De teegnwôordige Spoansche schryfwyze kwam loatre. De stad wordt ter platse "Casa" gêetn deur de mêeste menschn.

Anfa is in 't algemêen beschowd lik den "ôorsproenklikke stad" of "oede stad" ; wettlik gezien is 't e prefekteure (distrikt) mêt 'n oaf miljoen inweunrs, en dus dêel van Grôot-Casablanca.

Wikimedia Commons

Verwyziengn[bewerkn | brontekst bewerken]

<references>

  1. (en) Casablanca (Collins Dictionary)
  2. (en) Casablanca - Encyclopedia of the Oriënt ( Lexicorient.com)
  3. (en) Discovering Casablanca, Africa-ata.org