David Bowie

Van Wikipedia
David Bowie in 1987

David Robert Jones, beter bekend lik David Bowie (Brixton, 8 januoari 1947 – 10 januoari 2016) wos een Iengelschn muzikant. 't Wos een artist die ni ollêne artistik moar ouk commercieel succes adde. David Bowie wos bekend van liedjes lik Ziggy Stardust, Let's Dance en Heroes. Zyn invloed op anger groepn en zangers is ni t'ounderschattn. E verangerde geirn van styl, na volgens zyn goeste. Buutn zyn carrière van zanger wos 'n ouk acteur en kunstenoare.

Zyn leevn[bewerkn | brontekst bewerken]

Jounge joarn[bewerkn | brontekst bewerken]

David Bowie wos ebôorn in Brixton in Londn, moar e wos opekwikt in Kent. Hêel in 't begun wos 'n zanger van bluesgroeptjes lik The Lower Third en The King Bees. In zyn jounge joarn wos 'n styf interesseerd in tonêel en mime. Dat gounk loater nog te ziene zyn in de verschillige personages dat 'n nerezette op de scène: Ziggy Stardust, de Thin White Duke, enzovodders. In 't begun wos zyn artistenoame Davie Jones. Moar omdat er ol e Davy Jones wos (by The Monkees) verangert 'n na David Bowie. En adde op dat moment juste etwot eleezn over Jim Bowie, een Amerikoanschen soldoat die 't Bowie-mes adde uutevoun.

Eêste succes: 1969-1971[bewerkn | brontekst bewerken]

In 1969 zoung Bowie Space Oddity. E liedje over etwien die na de moane goat. Dat was over de hêle weireld e grôot succes, nie in 't minst omdat Neil Armstrong in dat joar op de moane landege. E joar loater trouwn'de met Mary Angela Barnett (Angie Bowie), de moeder van zyn loatere zeune.

Ziggy Stardust: 1972-1973[bewerkn | brontekst bewerken]

In 1972 verangerde Bowie in zyn êeste personage: Ziggy Stardust. Ziggy wos Bowie, en Bowie was Ziggy: e zanger die zyn eigen vrèmde voelde op de weireld. In de joarn die volgnde rocht Bowie an de drugs (cocaïne). E wilde Amerika veroovern; en doarom verangernde were zyn styl; nu mak'nde soul-muzik.

Zyn ploatn[bewerkn | brontekst bewerken]

  • David Bowie (1967)
  • Space Oddity (1969)
  • The Man Who Sold the World (1970)
  • Hunky Dory (1971)
  • The Rise and Fall of Ziggy Stardust and the Spiders from Mars (1972)
  • Aladdin Sane (1973)
  • Pin Ups (1973)
  • Diamond Dogs (1974)
  • Young Americans (1975)
  • Station to Station (1976)
  • Low (1977)
  • "Heroes" (1977)
  • Lodger (1979)
  • Scary Monsters (and Super Creeps) (1980)
  • Let's Dance (1983)
  • Tonight (1984)
  • Never Let Me Down (1987)
  • Black Tie White Noise (1993)
  • The Buddha of Suburbia (1993)
  • Outside (1995)
  • Earthling (1997)
  • 'Hours...' (1999)
  • Heathen (2002)
  • Reality (2003)
  • The Next Day (2013)
  • ★ (2016)

Externe koppelienge[bewerkn | brontekst bewerken]


Dat artikel ier is nog moa e klêen begun. Ge zyt g'inviteerd vôor ip bewerkn te klikkn vo mêer encyclopedische kennisse toe te voegn.