De Burgers van Calais

Van Wikipedia
Naar navigatie springen Naar zoeken springen

De Burgers van Calais deur Auguste Rodin vo 't stadhuys van Calais

De Burgers van Calais (Frans: Les Bourgeois de Calais) is e beeldngroep van Auguste Rodin in ipdracht van de stad Calais, woar da 't eeste bronzn exemploar in 1895 ing'huldigd wierd. 't Is één van Rodin's beroemdste werkn. Der bestoan twoalf originele in brons gegootn stikn.

't Werk stelt zes personages voorn (Eustache de Saint Pierre, Jacques en Pierre de Wissant, Jean de Fiennes, Andrieu d'Andres en Jean d'Aire), slachtoffers van een overgoaveritueel die ipgedreegn wierd deur de keunynk van Yngeland, Edward III in ogustus 1347.

Geschiedenisse[bewerkn | brontekst bewerken]

In 1346 belegerde Edward III van Yngeland Calais, achter een overwinnynge in de Slag by Crécy, binst da Filips VI van Vrankryk de stad beval vo stand t' houdn. Filips sloagde der nie in van 't beleg oengedoan te moakn en hoengersnood dwoeng de stad uytendelyk vo t' oenderhandeln vor overgoave. Edward stelde voorn vo de menschn van de stad te spoarn on der zesse van de stadsleiders hunder an hem zoun overgeevn, verzekers vo g'executeerd te wordn. Edward eiste dan ze noa buytn zoun komn met e strop roend hunder nekke en met de sleutels van de stad en 't kasteel. Moar hunder leevn wierd gespoard deur de tusschnkomst van d' Yngelsche keuniginne, Filippa van Henegouwn, die heur vent overhoalde omda ze peisde dat hunder dood e slecht voorteekn zou zyn vor heur oengeboorn kynd.

De twoalf originele stikn van 't monument:

  1. Calais (Vrankryk), place de l'hôtel de ville, 1895.
  2. Kopenhagen (Denemarkn), Ny Carlsberg Glyptotek, 1903.
  3. Domein van Mariemont (België), Musée royal de Mariemont, 1905.
  4. Londn (Groot Brittannië), Parlementsgebouw, gietynge 1908, tentoonstellynge 1915.
  5. Philadelphia (Verenigde Stoatn), Rodin Museum, gietynge 1925, tentoonstellynge 1929.
  6. Parys (Vrankryk), Musée Rodin, gietynge 1926, schenkynge an 't museum in 1955.
  7. Bazel (Zwitserland), Kunstmuseum, gietynge 1943, tentoonstellynge 1948.
  8. Washington D.C. (Verenigde Stoatn), Hirshhorn Museum and Sculpture Garden, gietynge 1943, tentoonstellynge 1966.
  9. Tokio (Japan), Nationaal museum vo westersche kunst, gietynge 1953, tentoonstellynge 1959.
  10. Pasadena (Verenigde Stoatn), Norton Simon Museum of Art, 1968.
  11. New York City (Verenigde Stoatn), Metropolitan Museum of Art, gietynge 1985, tentoonstellynge 1989.
  12. Seoel (Zuyd-Korea), Rodin-Galerie, 1995.