Philippe VI van Vrankryk

Van Wikipedia
Naar navigatie springen Naar zoeken springen
Philippe VI
1293-1350
Robert-Fleury - Philip VI of France.jpg
France Ancient Arms.svg
Keunienk van Vrankryk
Periode1328-1350
VôorgangerCharles IV
IpvolgerJean II
Blason comte fr Anjou.svg
Groaf van Anjou
Periode1325-1328
VôorgangerCharles van Valois
IpvolgerPhilippe van Orléans
VoaderCharles van Valois
MoederMarguerite van Anjou

Philippe VI of Philippe van Valois, (Fontainebleau, 1293 -Reims, 22 ogustus 1350) was den êeste Frãnsche keunienk van 't Huus Valois, e zytak van 't Huus Capet. Je was keunienk van Vrankryk van 1328 tout 1350. Binst zyn regeerperiode begost den Hounderdjoarign Oorloge.

Philippe VI was e zeune van Charles van Valois, e joungere broere van keunienk Philippe le Bel, en zyn êeste vrouwe Marguerite van Anjou, een dochter van Charles II van Anjou.

Zyn vôorganger, Charles IV, was in 1328 zounder mannelikke erfgenoamn gestorvn, woadeure da d'êeste lyne van de keuniengn van Vrankryk, et Huus Capet, uutstierf. Keunienk Edward III van Iengeland eiste de Frãnsche trôone ip, omda zyn moeder een dochter was van keunienk Philippe le Bel.

In 1337 brak den Hounderdjoarign Oorloge uut tusschn et Huus Valois en et Huus Plantagenet. Ip 26 ogustus 1346 wierd de Slag by Crécy uutgevochtn. Jan van Luxemburg, die e trouwe vazal was van Philippe VI, vocht mee an de kant van Vrankryk. De Slag by Crécy wierd gewonn deur d'Iengelsche en Jan van Luxemburg en de groaf van Vloandern, Lodewyk I sneuveldn in die zelfste Slag.

Vrouwn en jounges[bewerkn | brontekst bewerken]

Philippe VI trouwde in juli 1313 me Jeanne van Bourgondië, een dochter van hertog Robert II van Bourgondië en Agnes, de joungste dochter van keunienk Louis IX van Vrankryk. Under jounges:

  • Jean II (1319-1364), zyn ipvolger
  • Marie (1326-1333), ze trouwde me Jan, e zeune van Jan III, den hertog van Broabant
  • Louis (1328)
  • Louis (1330)
  • Jean (1333)
  • Philippe (1336-1375), groaf van Valois en êestn hertog van Orléans
  • Jeanne (1337)

Jeanne van Bourgondië stierf in 1349 en Philippe VI hertrouwde in 1350 me Blanche van Navarra, klêendochter van keunienk Louis X. Met heur haad ie e postuum geboorn dochter:

  • Jeanne (1351-1371).
Wikimedia Commons