Groote Stooringe

Het "Lied der Vlaamsche zonen" van Albrecht Rodenbach, an 't college in Roeseloare

Reclame vo de culturele fêeste in de stroatn van Roeseloare

De Groote Stooringe wos en ipstand van studentn ip den 28ste juli 1875, ounder de leidienge van Albrecht Rodenbach in 't Klêen Seminoarie Roeseloare, teegn 't gebruuk van 't Frans in 't ounderwys in Vloandern.

Deur Vlamsgezinde lêroars lik Hugo Verriest, Gustaaf Flamen, Edward De Gryse en Alfons Van Hee woarn de studentn al ip jounge leeftyd g'inspireerd deur de werkn van Guido Gezelle en andere Vlamsgezinde schryvers en kunstnoars. In e Vloandern dat ossan moa mêer verfranste, schrêef Rodenbach zyn lied "De Blauwvoet" (Het lied der Vlaamsche Zonen). 't Wos pertang verboodn deur de superior van Vlamsche liedern te ziengn ip schole, moa toch wos da lied styf populair in 't college. In juli 1875 lietn de studentn ounder leidienge van Albrecht Rodenbach en Julius De Vos "De Groote Stooringe" uutbreekn.

Blauwvoeterie

De studentn noemdn under zelve "De Blauwvoeters" en wildn bewyzn da 't dode Vlaanderenland nog styf levendig wos. Den Blauwvoet, symbool vo de Jan van Gent, is e veugel die ollêne moa te zien is ot er storm ip komst is.

"De Groote Stooringe" wos e klêenen ipstand van de Roeseloarsche studentn teegn 't verfransend ounderwyssystème, moa de revolte ha styf vele byvol in hêel Vloandern. Vanof da moment wos de stryd vo de vernederlandsienge van 't middelboar ounderwys in Vloandern nie mè te stoppn.

Varia

• De Groote Stooringe is nu sedert 2001 wok e culturêle fêeste me stroattheoater, die om de drie joar deuregoat in Roeseloare.

• Noar aanleidinge van de hervormingen van 't onderwis in Roeseloare werd er nen nieuwen protestgroep opgericht. Ndeen eeft de name: Nieuwe Groote Stooringe.