Hugo Verriest

Van Wikipedia
Hugo Verriest in 1910s
Buste Hugo Verriest an de Hugo Verrieststroate (Post) in Roeseloare
Beeld van Hugo Verriest an de Hugo Verrieststroate in Roeseloare
Tekst ip de voet van 't beeld van Hugo Verriest in Roeseloare

Hugo Verriest (Deirlyk, 25 november 1840Yvegem, 28 oktober 1922) was ne West-Vlamsche paster en schryver.

Leven[bewerkn | brontekst bewerken]

Hugo Verriest volgde ’t loager ounderwys in ’t pensionoat van de fabeldichter Pieter Jan Renier en je dêed z’n humaniora in ‘t Klêen Seminoarie in Roeseloare (1853-1859), woa dat ie lesse krêeg van de dichter Guido Gezelle. Achter nog een joar filosofie giengt ie ton noa ’t Grôot Seminarie in Brugge en in 1864 ist ie tot paster gewyd. Van 1864-1867 wast ie lêroare in Brugge in ’t St.-Lodewijkscollege. Van 1867-1877 gaft ie lesse an ‘t Klêen Seminoarie in Roeseloare. Albrecht Rodenbach was ton êen van zyn lêerliengn. In 1877 ist ie directeur benoemd van ‘t nunneklôoster in Eule, en ’t joar doarip van ‘t college in Yper. In 1888 wast ie paster in Wakkn en in 1895-1913 in Yvegem. Hugo Verriest is de gêestelikke voader van de Blauwvoeterie, een Vlamsgezinde studenteverênigienge. Z’n slogan was: "Dat volk moet herleven !". Deur zyn uutstroalienge ad ie een grôotn invloed ip zyn lêerliengn. Je wilde ze ipvoedn in de gêest van Guido Gezelle, zyn eigen lêermêester en vôorbeeld, in een sôort idealisme waarby da vryheid, verantwoordelikheid en Christendom de groundstênen woarn. Je propageerde de vernederlandsienge van ‘t middelboar en ‘t oger ounderwys in Vloandern. Van 1877-1881 wast ie redacteur by "De Vlaamsche Vlagge", een studentntydschrift, je was êen van de stichters van "De Nieuwe Tijd" en je werkte mee an de twidde reekse van “Van Nu en straks”. Als vriend van Stijn Streuvels ist ie in Yvegem bluuvn weunn tot an zyn dôod. Je was doctor honoris causa van de Leuvense universiteit (1906) en lid van de “Koninklijke Vlaamse Academie voor TaaI-en Letterkunde” (1906).

Werk[bewerkn | brontekst bewerken]

  • 1899 : Regenboog (Grauw, Blank, Bleek, met doorschijnende lichtblauwe tinten, Zwart, Dolende schaduwboorden, Schemerblauw, Bleek-groen, uit bruine schorse, Oranjevlekken boven Donker-Blauw)
  • 1900 : Drie geestelijke voordrachten (Licht, Vroomheid, Sterkte).
  • 1901 : Vlaamse koppen
Deel I : Dichter De Bo, Pieter Busschaert, Karel de Gheldere, Alfons Van Hee, Eugeen van Oye, Gustaaf Delescluze, Albrecht Rodenbach, Constant Lievens, Renaat Adriaens, Kamiel Watteeuw.
Deel II : Emiel de Monie, Delfien van Haute, Alexis de Carne, Alfred Weustenraad, Karel van de Putte, Amaat Vyncke, Hendrik Persijn, Legio, Stijn Streuvels, Guido Gezelle.
  • 1903 : Op wandel (Die drij, Armoede, Velden, Nog armoede, Natuur, Kinderkopkes, Bloemen, Zonne, Uursenie, Op prachtige vodden, Fantasia, Herworden, Oudenaarde, Blankenberghe, Abdij).
  • 1904 : Voordrachten (Bond leven en dood, Vaderland, Gaaf en gezond, Stenen gedachten en gevoelens in de kunst, Davidsfeesten, Ontworpen, Kunst, Shakespeare, Smaak, Vrij, Het lied, Guido Gezelle, Andere voordracht over Gezelle).
Wikimedia Commons