Klêen Seminoarie

Van Wikipedia
D' Ogustynekerke van 't Klêen Seminoarie van Roeseloare

't Klêen Seminoarie is een schole in Roeseloare die 't bisdom van Gent è gesticht in 't joar 1806.

Der zoatn doa vele specioale gasten lik Albrecht Rodenbach, Guido Gezelle, Hugo Verriest en Poater Lievens. Gezelle en Verriest woaren d'er loatre ôok lêroare.

Vôor 1806 wos't er een abdy. De bedoelienge van de schole wos vo de slimme koppn van West-Vloandern te loatn komn en under achter under studies in 't Klêen Seminoarie noa 't Grôot Seminoarie te zendn vo der pasters van te maak'n. Vroegr wos 't e joungensschole, nu es 't gemiengd. Vandoage es 't Klêen Seminoarie bekend vo zyn kerke, d'Ogustynekerke. Vo de geweune Roeseloarnoare es 't 'n schole voo knappe kienders. Ze ligt in de Zuudstroate, an den andere kant van 't zuudpand en café Rôonbach. Ge kunt er Latynsche, Grieksche, Economie, Wetenschappn en Moderne Toaln lêern.

Ip 28 juli 1875 lêedde Albrecht Rodenbach een ipstand an't Klêen seminoarie tegen't gebruuk van't Frans in't oenderwys. Da protest wier bekend oender de name De Groote Stooringe.

De 'Wonderklasse' (1875/76) met o.a. Albrecht Rodenbach (III), Constant Lievens (VI) en lêroare Hugo Verriest (II)

Andre Klêen Seminoaries[bewerkn | brontekst bewerken]

In Vloandern zyn der ôok nog andre Klêen Seminoaries:

  • Klêen seminoarie van Sint-Truiden.
  • Klêen seminoarie van Hoogstroaten, da in de joaren 1950 de lapname "pastoorsfabriekstje" had.
  • Sint Jozef Klêen Seminoarie in Sint-Nikloas
  • Het Berthoutinstituut Klêen Seminoarie in Mecheln
  • Montfortaans Seminarie, Rotselaar, ôok wal Montfort Collegie Rotselaere genoemd, in Rotselaere