De Lijn
De Lijn is de moatschappy die zorgt voa 't openboar vervoer in Vloandern.
De Lijn es in 1991 ountstoan uit de fusie van de MIVA (de 'Maatschappij voor het Intercommunaal Vervoer te Antwerpen'), de MIVG ('Maatschappij voor het Intercommunaal Vervoer te Gent') en et Vlamsche dêel van de NMVB ('Nationale Maatschappij van Buurtspoorwegen').
Ze weirdt financieel gesteund deur het Vlamsche Gewest, die den belangrykstn andêelouder es. Der werkn 7979 minsn by De Lijn, en 2400 andern werkn by ounderannêemers. De latste joarn kent de toenoame van reizigers nen explosievn groei, vôorol deur de stimuloatie van et gebruuk van et openboar vervoer deur de overeid. In sommigste steedn es het oopnboar vervoer hêlegans groatis. Het mêest in et ôog springnd succes van De Lijn es de Kusttram, die olle badsteedn mi elkoar verbindt. Een ander specioal geval es de zogezeide belbus, nen autobuus die je keunt ipbelln o je ievers noa toe wilt. Ze ryn oltyd in dunbevolkte streekn, woar da't et niet rendoabel es voo ne autobuus ieder eure te loatn ryn. Ge keunt de bussn en trams van De Lijn gemakkelik erkenn an udder gele streepn ip vôor- en zykant.
Ofbeeldiengn
[bewerkn | brontekst bewerken]-
-
De Kusttram in de tramstoatie van Ostende -
