Vloandern

Vloandern (Vlaanderen)
Vloandern in België
Geografie
Hoofdstad	Brussel (Brussel/Bruxelles)
Ippervlak	13.625,54 km²
Bevolkienge
Inweuners Bevolkiengsdichtheid	6.774.807 (1 januoari 2023) 497 inw./km²
Toaln	Nederlands
Politiek
Minister-president	Jan Jambon
Mêer info
Volkslied	De Vlamsche Lêeuw
Fêestdag	11 juli
Website	Officiële website
Koarte

Vloandern of et Vlams Gewest (Nederlands: Vlaanderen, Frans: Flandre, Duuts: Flandern) es et gebied in België woar dat er Nederlands gesprookn weirdt.

Bevolkienge

In Vloandern weunn d'r e klêne 6,8 miljoen minsn, Vloamiengn genoemd.

Toale

D'r zyn drie dialectgroepn: et Vlams (West-Vlams en Oost-Vlams), Broabants en Limburgs.

Bestuur

Gemêenschap en gewest

Vloandern es bestuurd up twee niveaus:

• de Vlamsche Gemêenschap: zy es bevoegd vo persoonsgeboundn materies (lik ounderwys, gezoundheidszorg, sport...) vo olle Vloamiengn in uus land, dus ook dedie in Brussel
• et Vlams Gewest: es bevoegd in Vloandern vo territorioal geboundn materies (ruumtelikke ordenienge, steednbouw, economie, werkgelegenheid, landbouw, openbare werkn).

Vloandern eit by de vierde stoatservormienge uut 1993 (de zgn. Sint-Michielsakkoordn) beslootn vo de Vlamsche Gemêenschap en et Vlams Gewest t'hope te loatn valln. Dat es de reedn voewuk da d'r moar één Vlams Parlement en één Vlamsche regerienge es.

Provinsjes

Vloandern is verdêeld in de volgende provinsjes (noame in 't Nederlands tussn haksjes), de provinsjehôofdstad stoat der noast:

1. Antwerpn (Antwerpen) — Antwerpn (Antwerpen)
2. Limburg (Limburg) — Hasselt
3. Ôost-Vloandern (Oost-Vlaanderen) — Gent
4. Vlams-Broabant (Vlaams-Brabant) — Leuven
5. West-Vloandern (West-Vlaanderen) — Brugge

Polletiek

Hôogteverschillen in Vloandern:
blauw < 20 m , groen < 40 m, oranje < 100 m

Parlement

De zetelverdêlienge ziet er ezô uut:

Partij	2019	2014	2009	2004
N-VA	35	43	16	6
Vlaams Belang	23	6	21	32
CD&V	19	27	31	29
VLD ¹ / Open Vld	16	19	21	25
Groen! / Groen	14	10	7	6
sp.a ² / Vooruit	13	18	19	25
PVDA	4	0	0	0
UF-FDF	0	1	1	1
LDD			8
Totoal	124	124	124	124

¹ VLD-Vivant in 2004

² sp.a-Spirit in 2004

Historisch

Et Vloandern van nu volt helegansn nie mee t'hôpe met et historische Groafschap Vloandern. Et middeleeuwsche groafschap ligt nu verspreid over:

• de Belgsche provinsjes West-Vloandern en Ôost-Vloandern
• Zêeuws-Vloandern, wuk da nu e stik es van d'Hollandsche provinsje Zêeland
• Frans-Vloandern en Rysels-Vloandern, die nu in et Fransche Noorderdepartement liggn

Externe koppeliengn

• Vlams Gewest ip belgium.be
• Vloandern ip TopoMapViewer

Ofbeeldiengn die ier by passn ku je vien in de categorie Flanders van Wikimedia Commons.