De stoeten Ostendenoare
De stoeten Ostendenoare is e mysterieuze actiegroep in Ostende die 't gemunt het ip de monumentn ter êre van keunienk Leopold II.
Justiesje in Brugge is an 't uutzoekn wien dat er achter de groep zit moa z' hen nog niks gevoundn. In januoari 2004 het de groep en hand ofgezoagd van 't monument "Dank der Congolezen", e dêel van de de Drie Gapers, e beeldngroep ip de zêedyk van de twi broers architectn Cortens (1931). Ip e plakkoate an 't monument stoat: "Dank van de Congolezen aan Leopold II om hen te hebben bevrijd van de slavernij van de Arabieren". Volgens de Stoeten Ostendenoare is da peur revisionisme. Keunienk Leopold II bestierde Congo lik zyn persôonlik bezit en je schoakelde sloaven in ip zyn rubberplantages. En ot de Congolezen te lui bevoundn woarn, wierdn under handn ofgekapt. Doarom het de actiegroep en hand ofgezoagd van èèn van de Congolezen van de beeldngroep vo 't beeld realistischer te moakn. De stoeten Ostendenoare het in en e-mail an 't stadsbestier van Ostende loatn weetn da ze 't hand willen weregeevn ip condiesje da ze de plakkoate vervangen deur de in New York American gepubliceerde fotto's in 1906 van Congolezen me ofgekapte handn.
Varia
[bewerkn | brontekst bewerken]- De stoeten Ostendenoare was van 1976 toet begun joaren negentig ook de noame van e bekend satirisch blad in Ostende.
- In Blanknberge het de politieke partye "Dwars" van Piet Wittevrongel ook en anvroage ingediend an 't stadsbestier vor e plakkoate te zettn by 't Monument van Lippens en De Bruyne met uutleg over wat dat er echt gebeurd is in uus koloniaal verleedn.