Ostende

Van Wikipedia
Dit artikel es geschreevn in 't Ostends, en da zou best ozô bluuvn.

België Stad Ostende

Liggienge in 't arroundissement Ostende
in de provinsje West-Vloandern
Geografie
Gewest Vloandern
Provincie West-Vloandern
Arroundissement Ostende
Liggienge {{{nb}}} NB {{{ol}}} OL
Coördinoatn 51°13′NB 2°54′OL
Ippervlak 37,72 km²
Inweuners (Bron: NIS)
Inweuners
– Vintn
– Vrouwn
Bevolkiengsdichtheid
71.332 (01/01/2018)
48,94%
51,06%
1891,09 inw./km²
Leeftydsipbouw
0–17 joar
18–64 joar
65 joar en ouder
(01/01/2013)
15,50%
59%
25,50%
Buutnlanders 10,26% (01/01/2018)
Weirklôoseidsgroad 10,29% (01/10/2018)
Polletiek
Burgemêester Bart Tommelein (Open VLD)
Coaliesje Open VLD, N-VA, Groen,
CD&V
Zetels
Stadslyste
Open VLD
N-VA
Vlaams Belang
Groen
CD&V
41 (2019-24)
11
9
7
6
5
3
Dêelgemêentn me postcode
Postcode Dêelgemêente
8400
8400
8400
Ostende
Stène
Zandvoorde
And're info
Zonenummer 059
Poliesjezone {{{polz}}}
Webadres www.oostende.be

Ostende is e Belgische stad in de provinsje West-Vloandern. Ze ligt an de Vlamsche Kust. Buutn Ostende zelve, zyn der nog e poar deelgemeentn, Stène, Mariakerke, Raversyde en Zandvoorde. Der weunn in 't geheel oast 70.000 menschen. Roend Ostende liggn de gemeentn Middelkerke, Gistel, Oedeburg en Brèènienge. In de Middeleeuwn laag Ostende an den oostkant van e schiereiland, Ter Streep. An de westkant laag Westende en in 't middent laag Middelkerke. De polder achter 't eiland liep allene by springty oender, twèè kèèren per joar. Deur d'inpolderienge kaamt de Ploate an 't vasteland te liggn.

Verkèer en platsjes[bewerkn | brontekst bewerken]

De stad is e belangryk verkèersknooppunt, en et byvoorbeeld nen aavn, e vliegpling en ne jachtaavn. De stoasje van Ostende is ook et endpunt van de tring, dus je moe doar ofstappn, oftewel direct were kèern, mo je ku wêl direct de kusttram pakkn, want dedien stopt ook an de stoasje. Je kut ook de ottoobus pakkn no de banlieue of een va de buutnlynen no Brugge, Gistel, Oedenburg, Veurne, Ichtegem, Klemskerke, Toeroet, Diksmude, Middelkerke en vele meer. In 't sezoejn kost je vroeger no Ieper en Bellewaerde me de bus, ma in 2012 e ze die liene afgeschaft.

E poar belangryke platsen in Ostende zyn 't Petit Paris; die name verwyst nog noa de tyd toun da Ostende twètalig was, 't Pêêrd (Leopold I pling), woa dat er e reusachtig standbèeld stoat van uze èeste keunink en 't Marie-Josépling. In 't centrum van de stad lig et Woapenpling met 'n schône kiosk in 't middn.

Beziensweirdigheedn[bewerkn | brontekst bewerken]

Kykt noa Bouwkundig erfgoed in Ostende dêel 1 en dêel 2

Cultuur[bewerkn | brontekst bewerken]

Ostende vanuut de lucht gezien

Ostende is ook de stad van artiestn gelik Arno, James Ensor, Leon Spilliaert, Constant Permeke, Gustaaf Sorel, Jef van Tuerenhout en Raoul Servais en entertainers gelik Kamagurka, Herr Seele, Gunter Lamoot, Lucy Loes, Preuteleute, ...

En vergit de Paulusfèestn nie te middn ogustus woar da je veel artiestn uut eign streke kunt zien uptreedn, vooral Lucy Loes trokt doa assan vele volk aze speelde.

J'et ook e ferme hardcore en punkrockscene, bekende groepn van by uus zyn oundermèer Death Before Disco, Dedicted, 7 works en Ladbroke.

De stoeten Ostendenoare, rond de joarn 1980-90 e satirisch weekblad, moa nu en mysterieuzn actiegroep die ’t gemunt êt ip de monumentn ter ère van keunienk Leopold II in Ostende. Z'en in 't verleden al e ki zyn and ofgezaagd.

In 't gehucht Raversyde ligt 't Provinciaal Doming Raversyde.

Et boegbèeld van Ostende is De zèe va George Grard, het standbèeld voorn het Casino Kursoal, deur de Ostendenoars Dikke Mathille genoemd. In 2005 is't er een discusje gewist of da't standbeeld ip eur oorspronkelikke platse ip de oostellienge moest gezet wordn, moa der was zovele trammelant doarteegn da ze toch moa beslootn en om et te loatn woar dat 't was. Z'en der ook e soorte van bier achter genoemd.

Toale[bewerkn | brontekst bewerken]

De tale van 't Ostens schèelt vele met andere dialecten in 't West-Vlams.

In Ostende (lik up vele plekkn an de kust), gebruukn ze in te plekke van de /êe/ de /èè/. Ze zeggn dus nie me men êen bêen in de zêe, mo me men èèn bèèn in de zèè (klanke lik de êeste i in illetriek, mor e bitje langer), of lik de twidde e in 't Fransche élève.

De grotste kenner van 't Ostens is Roland Desnerck. 't Ostens Woordeboek is van em.

Polletiek[bewerkn | brontekst bewerken]

De burgemèèster van Ostende is Johan Vande Lanotte. Mo in de gemèènteroad zittn der nog bekende gasten, gelik Geert Lambert, me ze groen brilletje, en nateurlik et Jean-Marie Dedecker doar ook in gezetn.

Bekende Ostendenoars[bewerkn | brontekst bewerken]

Ofbeeldingn[bewerkn | brontekst bewerken]

Wikimedia Commons Mêer ofbeeldiengn die ier by passn ku je vien ip Ostende ip Wikimedia Commons.

Externe koppelienge[bewerkn | brontekst bewerken]

 
Provinsje West-Vloandern
Vlagge van de provinsje West-Vloandern

Anzegem | Ardôoie | Beirnem | Blanknberge | Brèinienge | Brugge | D'n Oane | Damme | De Panne | Deirlyk | Dentergem | Diksmude | Euvelland | Gistel | Ichtegem | Iengelmunstr | Jabbeke | Knokke-Heist | Koksyde | Kookloare | Kortemark | Kortryk | Kuurne | Langemark-Poelkapelle | Legem | Lendlee | Lichtervelde | Lo-Rênienge | Mêenn | Mêesn | Middelkerke | Môoslee | Mullebeke | Nieuwpôort | Oalveringem | Oarelbeke | Oavelgem | Oedeburg | Oetulst | Ooglee | Ôostkamp | Ôostrôzebeke | Ostende | Pittem | Poperienge | Roeseloare | Ruuslee | Spiere-Elkyng | Stoan | Tielt | Toeroet | Veurne | Vletern | Wervik | Wevelgem | Wielsbeke | Wiengne | Woaregem | Yper | Yzegem | Zillegem | Zunnebeke | Zuunkerke | Zwevegem


België | Provinsjes