Dinant

Dat artikel es geschreevn in 't Kustwestvlams.

---

Dinant
Liggienge in 't arroendissement Dinant in de provinsje Noamn
Geografie
Gewest	Wallonië
Provincie	Noamn
Arroundissement	Dinant
Liggienge	{{{nb}}} NB {{{ol}}} OL
Coördinoatn	50°15′NB 4°54′OL
Ippervlak	99,8 km²
Inweuners (Bron: NIS)
Inweuners – Vintn – Vrouwn – Bevolkiengsdichtheid	13.568 (01/01/2017) 48,64% 51,36% 629,68 inw./km²
Leeftydsipbouw 0–17 joar 18–64 joar 65 joar en ouder	(01/01/2013) 21,80% 60,44% 17,76%
Buutnlanders	4,07% (01/07/2013)
Weirklôoseidsgroad	18,78% (01/01/2013)
Polletiek
Burgemêester	Richard Fournaux (MR/MCC)
Coaliesje	LdB
Zetels LdB PS cdH	23 14 5 4
Dêelgemêentn me postcode
Postcode	Dêelgemêente
5500 5500 5500 5500 5500 5500 5500 5501 5502 5503 5504	Dinant Anseremme Bouvignes-sur-Meuse Dréhance Falmagne Falmignoul Furfooz Lisogne Thynes Sorinnes Foy-Notre-Dame
And're info
Zonenummer	082
Poliesjezone	{{{polz}}}
Webadres	www.dinant.be

Dinant is e stad en gemêente in de Belgische provinsje Noamn. De stad ligt an de riviere de Moas ip 90 km te zuudn van Brussel, 28 km van Noamn en 16 km te nôordn van Givet, in Frankryk.

Dinant an de Moas met de Collégiale Notre-Dame en de Citadelle

Dinant grenst in 't nôordn an Yvoir, in 't ôostn an Ciney, in 't zuudôostn an Houyet, in 't zuudwestn an Hastière, in 't westn an Onhaye en in 't nôordwestn an Anhée.

Beziensweirdigheedn

• Collégiale Notre-Dame (Kapittelkerke Onze Lieve Vrouwe, 13e-14e êeuwe)
• De citadelle (1818-1821), gebouwd deur d' Hollanders ip e rotse 100 meter boovn de Moas, nu e museum. Ip de plekke van de citadelle van nu, wierd er e versterkt kastêel gebouwd tusschn 1040 en 1051. 't Is vernietigd deur de Bourgondische troepn, herbouwd in 1523 deur de bisschop van Luuk en were verwoest deur de Fransche in 1703.
• Rotse Bayard, e rotspunt die los stoat van de rotswand, te zuudn van de stad. Volgns de legende èt 't Ros Beioard van de Vier Heemskienders die 40 m lange rotsnoalde ingesneen mè zyn hoeve, vo te kunn oentsnappn an Karel de Grôotn.
• Abdie van Leffe van de klôosterorde van de premonstratenzers, gebouwd in 1152.
• Beeld van Adolphe Sax in d' Adolphe Sax-stroate, gezeetn ip e bank vo zyn geboortehuus.
• La Merveilleuse, één van de schonste grottn van België, die in 1904 oentdekt is by de bouw van e spoorboane.

• 
  Rotse Bayard
• 
  Klokketorre van d' abdie van Leffe
• 
  Beeld van Adolphe Sax

Bekende inweuners

• André Buzin, schilder van bêestn en oentwerper van tembers vo de post mè veugels
• Joachim Patinier, landschapsschilder
• Dominique Pire, dominicoansche poater, vredesactivist, iprichter van Vredeseilandn en winnoare van de Nobelprys vo de Vrede (1958)
• Adolphe Sax, bouwer van muziekinstrumentn, uutviender van de saxofong
• Antoine Wiertz, kunstschilder, beeldhouwer en schryver over kunst

Ofbeeldiengn die ier by passn ku je vien in de categorie Dinant van Wikimedia Commons.