Discuusje:Rogier van der Weyden

Schoon artikel Pastel. Volgens my moet 't Rogier Van der Weyden zyn, vo dezelste reedn lik dat et ook Jan Van Eyck es: grote Van in Vloandern (tenwoare by oadellikke gastn), klene van in Olland (en doabuutn). Zie ook Discuusje:Jan_Van_Eyck. Moa 'k goa 't et nie up de spits dryvn, anders goa je ogauwe peinzn da 'k e slicht karakter è :-) --Patrick 8 nov 2007 01:28 (UTC)

'k Vinne dat een argument da'je en poar kunstboekn eit die in Vloandren gedrukt zyn en en poar sites kent die het me ôofdletters schryvn byzonder licht weegn teegnover de algemêne internationoale standard. 'k Benne zeekr da'k een reekse Vlamsche kunstboekn kan vindn en nog veel mêer sites kan vinden die de internationoaln standard volgn, moa 'k benne nie van plan my doa mee bezig t'oudn. Hubert van Eyck was ôok ginnen oadelikken, en toch stoat het me klêne letter ip zyn graf. Oat'er gin authoriteit zegt dat de internationale standoard mis es, ton zie'k ginne reedn om da te verandren. --Foroa 8 nov 2007 07:44 (UTC)

Ge makt er ier wel were e karikature van Foroa want et belangrykste argument lat je efkens achterwege: olle Belgische noamn die mè 'Van' begunn (Van Gent, Vander Plas, Van Herrewegen, ...) zyn osan mè hoofdletter geschreevn, uutgezonderd oadellikke noamn. In Olland es d'r e heel andere traditie om zukke achternoamn te schryvn, doar es 't mè klene 'van'. Speelt dat argument gin rolle up nen (West-)Vlamschn wikipedia? --Patrick 8 nov 2007 08:28 (UTC)

't Es nie myn bedoelienge vo de discussie up de spits te dryvn. 'k Vroage ollene vo consistent te zyn en woar nodig mè redirects te werkn. --Patrick 8 nov 2007 08:32 (UTC)

Er zyn drie dimensies.

• Inderdoad, die zôgezeiden oadelikken noame indertyd, hetgêne dajje me en korrelke zout moe pakken. Zie Hubert van Eyck's graf. Ik kenne minsen die ulder noame loatn verandren eine om em me en klêne letter te loatn beginn (Duprez noa du Pré). Die regel van de klêne van voe de mannen van oadel eit dus ollêne moa invloed oe datte de noame in het ryksregister grakt, moa telt niemme mee x generoaties loater.
• het ryksregister met olle meugelikke variaties deur de êeuwn hene
• de geaccepteerde schryfwyze of conventies: strikt en uniform in Nederland, ondeudelik in België (ryksregister ?)

Oa'je het ryksregister volgt kunje nie zômoar klakkelôos overol ne ôofdletter gan plakkn: ge moet het onderzoekn. Ik ei nog nôois stellienge genoomn oat van Eyck en van der Weyden met of zonder ôofdletter moe geschreevn weirden: ik zegge olléne moa: olvôrens ier en doar te goan verandren en de categorie weg te zwieren: gift êest ne geldigen reedn of authoriteit, en verandert ton. --Foroa 8 nov 2007 09:55 (UTC)

Oaje [Taaladvies] leest, ton zieje inderdoad da in Nederland de ôofdletters angepast wordn volgen bepoalde regels, binst datter in België vôortgegoane weird ip de inschryvienge in 't ryksregister (ginne reegl dus omdat de bediendn die et inschryvn regelmoatig foutn maktn, dikwyls de's en van's lietn volln, soms wel, soms gin spoaties invoerdn, de noame fonetisch deurekrygn van gastn die nie kostn schryvn, ...). Dus oaje de perfecte schryfwyze wil vindn moe je goan kyken wat er ip de geboorte- of overlydiengsacte stoat. Dus es't perfact meuglik da Hubert van Eyck me ne klêenn letter geschreevn weird en Jan Van Eyck me ne ôofdletter en danze en broere of noazoatn eine die Oscar VanEyck, Van der Eyck, von eyk, Vandereycke ... êetn. Moa êerlik gezeid, den internationale standard volgn es veel gemakkelikker ... --Foroa 8 nov 2007 08:22 (UTC)

De wetgevienge zegt dat het rijksregister gevolg weird, moa er is ôok een voorstel van decreet gewist in België om d'Ollandse regels te volgen (zie link). Ik weet nie in oeverre dat da decreet geldig is. Nog meer literatuur: [[1]], [Rijksregister], [de/De Brabandere], [Vlaams voorstel van decreet om de Nederlandse regels te volgen]. misschien kan iemand den boek "De schrijfwijze van de aanlopen ,,de” en ,,van” in geslachtsnamen” door J. Leenen, Instituut voor Naamkunde, 1959" ip de kop tikkn. --Foroa 8 nov 2007 09:34 (UTC)

De bedoelinge is nie de discussie ip de spits te dryven: voe my is't simpelste ip en consistente maniere den internationoaln standard te volgen tot dan we en dudelik bewys/authoriteit/regel eine die die standoard ip en êenvormige maniere tegenspreekt. --Foroa 8 nov 2007 09:34 (UTC)

Ik vindn nie, Patrick da je ’n slecht karakter èt o je je meninge verdedigt:). Moa sorry, Foroa a myn kunn overtuugn. ‘k Goan myn neerleggn by de uutendelikke overeenkomste van de taalmann.--Pastel 8 nov 2007 10:26 (UTC)