Districtn van Iengeland

Koarte met de districtn van Iengeland ██ Metropolitan boroughs ██ Non-metropolitan districtn ██ Unitary authorities ██ London boroughs

De districtn van Iengeland (Iengels: local authority districts) zyn een niveau van oenderverdêlienge van Iengeland, gebruukt vo lokoal bestier, te vergelykn met e gemêente in België.

De structeure van de lokoale overheid in Iengeland is nie uniform. Der zyn vier hoofdtypes van oenderverdêlienge ip districtsniveau:

• Metropolitan boroughs, oenderverdêlienge van metropolitan counties.
• Non-metropolitan districts, oenderverdêlienge van non-metropolitan counties of shire counties
• Unitary authorities
• London boroughs

In totoal zyn der 309 districtn, bestoande uut 36 metropolitan boroughs (grôotstedelike districtn), 181 non-metropolitan districts of shire districts, 58 unitary authorities en 32 London boroughs, plus ook nog de City of London en de Isles of Scilly, die ook districtn zyn, moa nie valln oender êen van die categorieën.