Druve
E druve is e vrucht, botanisch geziën e beier, van de wynstok (Vitis vinifera) van de wynstokfamilie (Vitaceae), 'n hoetige klemplante. Druuvn groein mêestal in trosn.
D'n teelt van druuvn begost verzekers al 8.000 joar gelee'n. Ze word'n ves of in gedroogde vorm g'eet'n (rozyns) en z' hèn in vele dêeln van de weireld ook e culturele betêkenisse, surtout vanwege hunder rolle by 't moak'n van wyn. Andere product'n, van druuvn ofkomstig, zyn verschillige sôort'n confiteure, zop, azyn en olie.
De mêeste druuvn komn uut land'n en gebiëd'n met e mild klimoat, lik de land'n in 't Middellandsche Zêegebiëd. Bepoalde streek'n in Duutsland, langst de Reyn en de Moezel zyn ook geschikt vo de druveteelt. Ook in Vloandern word'n druuvn gekwèekt in dorp'n met heuvels lik in Hoeiloart en Overyse in Vlams-Broabant.
| Belangrykste druveproducent'n in de weireld (2022) (ton) | |
|---|---|
 China |
12 600 000 |
 Itoalië |
8 437 970 |
 Vrankryk |
6 199 950 |
 Spanje |
5 902 040 |
 Verênigde Stoatn |
5 372 800 |
 Turkeye |
4 165 000 |
 Indië |
3 401 000 |
 Chili |
2 402 686 |
 Zuud-Afrika |
2 064 742 |
 Argentinië |
1 936 803 |
 Oezbekistan |
1 760 559 |
 Egypte |
1 571 989 |
 Brazilië |
1 450 805 |
 Iran |
1 417 944 |
 Australië |
1 228 829 |
| Totoal | 74 942 572 |
|
Ofbeeldiengn die ier by passn ku je vien in de categorie Grapes van Wikimedia Commons. |