Edmond de Coussemaker

Van Wikipedia
Ga naar: Begunplekkn, zoeken
Buste van Edmond de Coussemaker in Belle, Frans-Vloandern.

Edmond de Coussemaker (Belle, 19 april 1805 - Rysel, 10 januoari 1876) was een advocoat, musicoloog en etnoloog die hem surtout bezighield met 't erfgoed van Frans-Vloandern. Tegoare mè Michiel de Swaen en Maria Petyt was De Coussemaker één van de belangrykste vertegenwoordigers van de Vlamsche cultuur in Frankryk.

De Coussemaker studeerdege rechtn in Parys en terzelfdertyd volgdet ie e muziekstudie, omdat 'n componist wildege wordn. Je wierd uutendelik rechter in Sint-Winoksbergn, Hoazebroeke, Koameryk, Duunkerke en Rysel.

In 1853 richtege De Coussemaker 't Comité Flamand de France ip, omdat 'n 't verdwynn van 't gesproken Vlams wildege doen stoppn. Tegoare met de paster-politieker Jules Auguste Lemire het 'n geprobeerd van 't Vlams ounderwys te loatn bestoan an de katholieke schole van o.a. Belle, moa dat is nie gelukt.

De Coussemaker gerakte gekend met 't ipschryvn van Vlamsche volksliederen uut Frans-Vloandern en je publiceerde ze in zyn Chants populaires des Flamands de France in 1856.

De musicoloog Edmond de Coussemaker was actief ip 't gebied van middelêeuwse muziek. Zyn muziektheoretisch werk Hucbald moine de St. Armand et ses traites de musique (1839-1841), was van belang vo d'heriplevienge van oude kerkmuziek.

Werkn[bewerkn | brontekst bewerken]

  • Hucbald moine de St. Armand et ses traites de musique (1839-1841)
  • Histoire de l'harmonie au Moyen Age (1852)
  • Chants populaires des Flamands de France (1856)
  • Les harmonistes des XII et XIII siècles (1864)
  • Oeuvres complètes du trouvère Adam de la Halle (1872)
  • Scriptores de musica medii aevi (4 delen) (1864-1876)

Externe koppelienge[bewerkn | brontekst bewerken]