Edvald Boasson Hagen

**Edvald Boasson Hagen**

Persoonlikke informoatie
Noame	Edvald Boasson Hagen
Bynoame	Eddy
Gebortedoatum	17 meie 1987
Geborteplekke	Rudsbygd, Lillehammer, Nôorweegn
Lengte	181 cm
Gewichte	76 kg
Specialisoatie	sprints, tydryder, all-rounder
Ploegen
Ploeg van nu	Sky ProCycling
Ploegen van toun
2008-2010 2010-	Team High Road Team Sky

Portoal Sport

Edvald Boassson Hagen (17 meie 1987, Rudsbygd) is e Nôorschn profcoureur die voun 't moment voun 't Britsche Sky ProCycling rydt.

Jeugd

Boasson Hagen het in zyn jeugd vele koersn ewonn, êen dervan wos de Keizer der Juniores in Koksyde. In 2006 kwam Boasson Hagen byn 't Nôorsche Maxbo Bianchi, e continentoaln ploeg, doamei rêed 'n surtout beloftekoersn, lik de Rounde van de Toekomst, mor oek oltemets in echte profkoersn, in 2007 kwam 'n oundermêer Nôors tydritkampioen (etwot dat 'n oundertusschn ol 5 kirs ewist is.

Profjoarn

In 2008 kwam Boasson Hagen echt prof byn Team High Road (upvolger van Telekom) en ne won oundermêer drie rittn in de Rounde van Grôot-Brittannië en e rit in 'n Eneco Tour.

Zyn êeste grôte zege hoalde 'n in 2009, deur in de rinne Gent-Wevelgem te winn in e sprint met twee 'n Wit-Rus Koetsjynski te kloppn. In da joar won 'n oek nog e rit en 'n ploegntydrit in 'n Giro. In 2010 kust 'n e koers of 10 winn, bykan ollemoale rittn in klindere rittnkoersn, lik Tirreno-Adriatico en de Rounde van Grôot-Brittannië.

In 'n Tour van 2011 wos Boasson Hagen êen van de coureurs die vele in beeld kwam, e won 'n zesdn rit (in e sprint up e dag woa da 't indeliks vele rinde) en 'n 17sn rit ('n bestn van e vlucht). E wos oek nog 'n twiddn in rit 16, achter en aarn Noor, Hushovd.

Overzicht

Tour de France: 2 rittn
Giro d'Italia: 1 rit, 1 ploegntydrit
Vattenfall Cyclassics Hamburg: 2011
Gent-Wevelgem: 2009
Nôors Kampioen Tydryen: 2007-2011
Tirreno-Adriatico: 1 rit
Rounde van Grôot-Brittannië: 7 rittn
Eneco Tour: 2 rittn, 1 ploegntydrit
Dauphiné Libéré: 1 rit
Rounde van Pooln: 2 rittn

Externe koppelienge