Koksyde

Koksyde; Koksijde
	; Liggienge in 't arroundissement Veurne; in de provinsje West-Vloandern ; 🌍 51°6′24″N 2°39′14″O
Geografie
Gewest	Vloandern
Provincie	West-Vloandern
Arroundissement	Veurne
Ippervlak	50,36 km²
Inweuners (Bron: NIS)
Inweuners	21.344 (01/01/2025)
• Vintn	48,89%
• Vrouwn	51,11%
Bevolkiengsdichtheid	423,82 inw./km²
Leeftydsipbouw ; (01/01/2025)	0–17 joar: 9,18%; 18–64 joar: 45,35%; 65+ joar: 45,47%
Buutnlanders	4,1% (01/01/2025)
Weirklôoseidsgroad	6,8% (01/10/2019)
Polletiek
Burgemêester	Sander Loones (Samen N-VA)
Coaliesje	Samen N-VA, De Nieuwe Lijst
Zetels ; Samen N-VA; Team 8670; De Nieuwe Lijst	27 (2024-2030); 14; 10; 3
Dêelgemêentn me postcode
8670; 8670; 8670	Koksyde; Ôostduunkerke; Wulpn
And're info
Zonenummer	058
Webadres	www.koksijde.be

Koksyde (Nederlands: Koksijde) is e Belgische plekke en gemêente in de provinsje West-Vloandern. Koksyde ligt an de Vlamsche Kust. De gemêente et e goeie 22.000 inweuners in 't hèle.

Geschiedenisse

In Koksyde zyn der begroafplekkn van de Morin gevoen. De "Morini" wos e stamme die ten tyde va Julius Caesar an de kust weunde in 't nôordn va Vrankryk en West-Vloandern.

De name "Cox-hyde" is vo 't êerst vermeld in 1270. Koksyde komt van de benaminge kokkels-yde, è woaterinham woar dat er veel kokkels zaatn. Kokkels: schelpn voe t'eten, hyde-yde: inham van de zêe.

Koksydenoars noemn ze dunn-ezels, da woarn muulezels die gebruukt woarn voe van alles en nog wa te sleurn en ook voe 't voak te vervoern an 't strange.

Deelgemeentn

De gemeente Koksyde bestoat uut de deelgemeentn Koksyde, Ôostduunkerke en Wulpn. 't Oed centrum van Koksyde lig e kilometer of twee van de zee. An de zee is 't er e nieuw toeristisch centrum, Koksyde-bad, ountstoan. Meer noa 't oostn ligt in de deelgemeente Koksyde nog de parochje Sint-Idesbald, ter plekke beter gekend ounder de noame Baaltje. 't Centrum van de deelgemeente Ôostduunkerke lig ôok e groatn kilometer va zee, met Ôostduunkerke-Bad an de zee. E groatn vier kilometer noa 't binneland ligt de klene landelike parochje Wulpn.

#	Noame	Ippervlakt	Bevolkienge
I (IV) (V)	Koksyde - Koksyde - Koksyde-bad - Sint-Idesbald
II	Ôostduunkerke
III	Wulpn

Koksyde ligt teegn:

a. Nieuwpoort (stad Nieuwpoort)
b. Ramskapelle (stad Nieuwpoort)
c. Booitshoeke (stad Veurne)
d. Veurne (stad Veurne)
e. Adiengkerke (gemeente De Panne)
f. De Panne (gemeente De Panne)

Koarte

Koksyde, deelgemeentn en buurgemeentn. De gele gebiedn zyn bebouwde kernn.

Schone om te zien

Kykt noa Bouwkundig erfgoed in Koksyde

'n Ôogn Blekker: e reservoat met d'ogste dune (33m) an de West-Vlamsche kust.
Ter Duunn: e musee woa da ze de geschiedenisse van de Cisterciënzers expliqueern die wundn in d'abdy van Oeze-Vrouwe-Ter-Duunn
't Strand: by ebbe is 't tusschn 250 en 700 meters brêed
't Vliegpling, gekend van de SeaKings en de televisie-serie Windkracht 10.
De cinema Studio Koksijde, 'n ênigstn an de kust en eigentlik oek va 'n Westoek, butn de Kinepolis in Ostende.
Hotel Normandie: een otel in de vorme van e bôot an de Keuninklike Boane, gebouwd deur d' architectn Laurent & Willy Bruggeman in 1936 (winnoare van de Vlaamse Monumentenprijs 2007)
Manneken Pis van Koksyde