Egyptische mythologie

Van Wikipedia
Beeld van den god Amon uut et tempelcomplex van Karnak.
Horus, Osiris en Isis-Hathor (Louvre, Parys)

De Egyptische mythologie goat over de goodn dien d'inweuners uut et antieke Egypte anbeedn.

In et antieke Egypte bestound der polytheïsme of veelgodery. Da wil zeggn dan d'Egyptenoarn in undern godsdienst veel goodn anbeedn. Ze woarn zynder dikkers voorngesteld lik beestn. Die gewunte komt nog van uut nen veel oudern tyd woarin da beestn anbeedn woarn. Dat artikel bespreekt ollene de belangrykste (bekendste) Egyptische goodn en godinn.

Amon-Ra[bewerkn | brontekst bewerken]

Amon-Ra of Amon-Re wos den uppergod en zunnegod. De farao wos den zeune van Amon-Ra.

Aton[bewerkn | brontekst bewerken]

Aton wos den upperstn zunnegod ounder farao Echnaton. Je wos voorgesteld lik e zunneschyve.

Echnaton èt geprobeerd vo ’t monotheïsme in te voern mè Aton lik enigste god, moar dat es mislukt. Achtern zynen dood gienk Egypte weer over noa de veelgodery van vroeger.

Hathor[bewerkn | brontekst bewerken]

De moedergodinne Hathor es ofgebeeld lik en koe of en wuuf mè oorns woa da de zunneschyve tusschn zit. Ze wos zy de godinne van de liefde, van dans en muziek, van de boomn.

Osiris[bewerkn | brontekst bewerken]

Osiris stelt d’eirde, et woater, de moane voor. Je wos em ook den god van den ounderweireld.

Isis[bewerkn | brontekst bewerken]

Isis wos de troongodinne en de moeder van de goodn. Isis wos de zuster én ’t wuuf van Osiris.

Isis-Hathor[bewerkn | brontekst bewerken]

In loatern tyd nom Isis kenmerkn van Hathor over. Isis-Hathor wos de verenigienge van die twee godinn. Ze wos zy de meest populaire godinne van heel Egypte.

Horus[bewerkn | brontekst bewerken]

Horus, de valkgod, wos den zeune van Isis en Osiris. Je wos dikkers ofgebeeld lik en valke, of ollene mè nen valknkop.

Thot[bewerkn | brontekst bewerken]

Thot wos den god van de moane, de toverkunste (nie ounbelangryk in antieke cultuurn), van den kalender en de kennisse.

Goodngallery[bewerkn | brontekst bewerken]

De belangrykste Egyptische goodn: