Euro

Van Wikipedia
Naar navigatie springen Naar zoeken springen
Euro symbol.svg
██ Eurozone (19) ██ ERM II-leedn (1) ██ EU-leedn die gin lid zyn van ERM II (8) ██ Gin EU-leedn die wel den euro gebruukn (2)
Bankbrieftjes en klutters van den euro

Den euro (symbool: €, ISO-code: EUR) is de munte van d' Europeesche Economische en Monetaire Unie en wordt gebruukt deur achttien lidstoatn van d' Europeesche Unie die d' Eurozone vormn:

  1. België
  2. Cyprus
  3. Duutsland
  4. Estland
  5. Finland
  6. Grieknland
  7. Holland
  8. Ierland
  9. Italië
  10. Letland
  11. Litouwn
  12. Luxemburg
  13. Malta
  14. Ôostnryk
  15. Portugal
  16. Slovakeye
  17. Slovenië
  18. Spanje
  19. Vrankryk

In 1992 wierd er in Maastricht beslist van den euro in te voern. De weirde van 1 euro zou gelykig zyn an 1 ECU (European Currency Unit). Vanof 1 januoari 1999 wierdn de koersn van andêeln en obligoasjes ip de beurze in euro weregegeevn. De bankbrieftjes en klutters kwoamn den 1ste januoari 2002 in circuloasje in 12 landn van d' Europeesche Unie, ook in Monaco, San Marino en Vaticoanstad. 't Was de grotste omwisseliengsoperoasje aller tydn.

Euromuntn en bankbrieftjes[bewerkn | bron bewerken]

Den euro is ounderverdêeld in 100 cent.

Der zyn euromuntn in acht verschillige weirdn: 1, 2, 5, 10, 20 en 50 cent, en €1 en €2. Êen kant van iedere munte, de gemêenschappelikke kant, is vor al de landn gelykig en is ountworpn deur Luc Luycx van de Koninklijke Munt van België. De weirde stoat er ip met e koarte van Europa ip den achterground. Den andere kant, de nationale kant, toogt e thema die specifiek is vor ieder ofzounderlik land, me 12 sterr'n van d' Europeesche Unie der round.

Der zyn zeevn bankbrieftjes: €5, €10, €20, €50, €100, €200 en €500 die ountworpn zyn deur den Ôostnryker Robert Kalina. Ieder brieftje verschilt in ofmetienge en in kleur en is gewyd an en artistieke periode van d' Europeesche architecteure. Ip de vôorkant stoan veisters en pôortn die de gêest van oopnheid en soamnwerkienge in Europa symboliseern. Ip den achterkant stoan brugg'n die symbool stoan vo de communicoasje tusschn de menschn in Europa en tusschn Europa en de reste van de weireld.

Weirde Joar van uutgifte Kleur Lengte (mm) Bridte (mm) Vôorkant Achterkant Ountwerp
€ 5 2013 Olyfgroen 120 62 5 EUR obverse (2013 issue).jpg 5 EUR reverse (2013 issue).jpg Klassiek
€ 10 2002 Zalmroze 127 67 EUR 10 obverse (2002 issue).jpg 10 Euro.Verso.png Romoans
€ 20 2002 Blauw 133 72 20 Euro.Recto.png 20 Euro.Verso.png Gotisch
€ 50 2002 Oranje 140 77 50 Euro.Recto.png 50 Euro.Verso.png Renaissance
€ 100 2002 Groen 147 82 100 Euro.Recto.png 100 Euro.Verso.png Barok & Rococo
€ 200 2002 Geel 153 82 200 Euro.Recto.png 200 Euro.Verso.png Yzer & Glas
€ 500 2002 Purper 160 82 500 Euro.Recto.png 500 Euro.Verso.png Modern

Externe koppelienge[bewerkn | bron bewerken]

Wikimedia Commons