Francesco Primaticcio

Van Wikipedia
D’ountvoerienge van Helena (1530-1539)
De zoaln van Anne de Pisseleu, hertoginne van Étampes (Kastêel van Fontainebleau)

Francesco Primaticcio (Bologna, 30 april 1504Parys, 1570) was ‘n Italioansche maniëristische kunstschilder, decorateur en architect. In Frankryk wordt ’n ôok Le Primatice genoemd. Je was êen van de belangrykste verteegnwoordigers van de Schole van Fontainebleau, die de Fransche kunst styf beïnvloedde met eur ip Italioansche voorbeeldn gebaseerd maniërisme.

Zyn leevn[bewerkn | brontekst bewerken]

Primaticcio is geboorn en ipgeleid in Bologna. Je krêeg o.a. lesse van Giulio Romano, wat dat te zien is in z’n vroeg werk. Van 1525 werktegn ze tegoare an de beschilderienge van ’t Palazzo Del Tè in Mantua.

Je wierd surtout beïnvloed deur Michelangelo, Cellini en Correggio,

In 1531 riep keunink Frans I em no Frankryk, woa dat ’n tout an z’n dôod blêef weunn. Je was assistent van Rosso Fiorentino vo ’t kastêel van Fontainebleau te decoreern en achter Rosso ‘s dôod in 1540, wierd ’n de leider van ’t project. Van 1552 werktegt ie doa tegoare me Nicolò dell'Abate.

Je was ôok den officieeln kunstkoper van de keunink en je kocht veel in Itoalië. Achter den dôod van Frans I werktegt ie vo keunink Hendrik II ols toezichthouder ip kunstwerkn.

Je blêef actief ounder vier keuningn: Frans I, Hendrik II, Frans II en Karel IX.

Ipvollend zyn surtout de beschilderiengn in ’t kastêel van Fontainebleau van de grôte fêestzoale en van de zoaln van d’hertoginne van Étampes, Anne de Pisseleu, de maîtresse van Frans I.

Wikimedia Commons