Frans Pourbus de Joengern

Dat artikel es geschreevn in 't Kustwestvlams.

---

Portreit van e vint (1569 - 1622)

Frans Pourbus de Joengern of Frans Pourbus II (Antwerpn, 1569 - Parys, 19 februoari 1622) was e Vlamsche kunstschilder, zeune van Frans Pourbus den Oudern en klêenzeune van Pieter Pourbus.

Pourbus werkte vo vele machtige en invloedryke menschn van zyn tyd, lyk de landvoogdn van de Nederlandn die in Brussel weundn, den hertog van Mantua en Maria de' Medici, keuniginne van Vrankryk. Werkn van hem zyn te viendn in 't Groeningemuseum in Brugge, 't Louvre in Parys, 't Ryksmuseum Amsterdam, 't Prado Museum in Madrid, de Britsche Keunienklyke Collecsje, 't Nationoal Museum van Warschau, 't Metropolitan Museum of Art in New York en nog vele andere musea.

Frans Pourbus begost noame te moakn an 't hof van Brussel, woar dat 'n de portreitn schilderde van eirtshertog Albrecht en zyn vrouwe Isabella. In september 1599 wierd 'n ipgemerkt deur den hertog van Mantua, Vincenzo Gonzaga, die deur Brussel reisde en die hem inviteerde by hem an 't hof van Mantua. Van 1599 toet 1609 weunde Pourbus in Mantua.

Je wierd gevroagd vo noa Parys te kommn deur de zuster van d' hertoginne van Mantua, de keuniginne van Vrankryk, Maria de' Medici. Je kwam den êeste kè vor e kort verbluuf vo den doop van Louis XIII in 1606 en je vestigde hem definitief in Parys vanof september 1609.

Werk

• 
  Albrecht van Oostnryk (ca. 1599)
• 
  Isabella van Spanje, landvoogdesse van de Nederlandn (ca. 1599)
• 
  Margaretha van Savoye (1608)
• 
  Maria de' Medici (1610)
• 
  Louis XIII van Vrankryk an zyn 10 joar (1611)

Ofbeeldiengn die ier by passn ku je vien in de categorie Frans Pourbus (II) van Wikimedia Commons.