Albrecht van Oostnryk

Van Wikipedia
Naar navigatie springen Naar zoeken springen
Albrecht van Ôostnryk
1559-1621
Albrecht van Ôostnryk
deur Frans Pourbus de Joungern
Flag of the Low Countries.svg
Soeverein van de Spoansche Nederlandn (met Isabella)
Brabant-Limburg Arms.svg
Hertog van Broabant, Lothier, Limburg en Luxemburg.
Arms of the Count of Luxembourg.svg

Namur Arms.svg
Blason Comte-de-Flandre.svg
Blason province fr Artois.svg
Markgroaf van Noamn.
Groaf van Vloandern, Artois, Franche-Comté, Charolais
en Henegouwn
Blason comte fr Nevers.svg
Hainaut Modern Arms.svg
Periode15981621
VôorgangerFilips II
IpvolgerFilips IV
Flag of the Low Countries.svg
Landvoogd van de Nederlandn
Periode15961598
VôorgangerPedro Henriquez de Acevedo
IpvolgerIsabella
VoaderMaximiliaan II
MoederMaria van Spanje

Albrecht VII van Ôostnryk (Wiener Neustadt, 15 november 1559 - Brussel, 13 juli 1621), was landvoogd van de Spoansche Nederlandn van 1596 tout 1598. Ost 'n in 1598 trouwde met Isabella van Spanje krêegn ze de Lêge Landn cadeau van heur voader Filips II.

Zyn leevn[bewerkn | brontekst bewerken]

Albrecht was de vuufde zeune van keizer Maximiliaan II en Maria van Spanje, dochter van Keizer Karel V en zuster van Filips II van Spanje. Van zyn elf joar verblêeft 'n an 't Spoans hof, ounder toezicht van z'n nounkel Filips II. Filips wildeg' êest dat 'n an e kerkelikke carrière begost. In 1577, an z'n achttien joar, kwamt 'n kardinoal en je krêegt de Santa Croce in Gerusalemme als titelkerke. Filips II haad hem zo gauwe meugelik aartsbisschop van Toledo willn moakn, mo den aartsbisschop van dienst, Gaspar de Quiroga, leefde veel langer of verwacht. Binst krêeg Albrecht allêene mo lêegere wydiengn. J'is nôois bisschop of paster gewist, mo z'n clericoale jeugd he z'n maniere van leevn beïnvloed.

Achter d'annexoasje van Portugal, wierd Albrecht in 1583 den êestn ounderkeunienk van 't keuninkryk en de gebiedn over zêe. Je was mee verantwoordelik vo d'organizoasje van de Spoanschn Armada in 1588 en in 1589 vocht 'n mee teegn den Iengelschn teegnanval ip Lissabon. In 1593 riep Filips II hem were no Madrid vor e politieke rolle.

Landvoogd van de Spoansche Nederlandn[bewerkn | brontekst bewerken]

In 1595, achter den dôod van z'n oudere broere Ernest, die landvoogd was van de Spoansche Nederlandn, wierd Albrecht angeduud vor hem ip te volgn. J'arriveerde den elfstn februoari 1596 in Brussel. Z'n êeste prioriteit was van de Spoansche militaire poziesje in de Lêege Landn t'herstelln, want sedert 1590 han ze nog nie anders gedoan of verliezn teegn Olland, Iengeland en Vrankryk. Je begost al goed, deur Calais en Ardres van de Frãnsche te veroovern en Hulst van d'Ollanders. Mo z'n succes blêef nie deurn omda Spanje vo de derde ki bankroet was en Albrecht kost zyn troepn nie me betoaln. In 1597 dêe Maurits van Nassau, zeune van Willem van Oranje, d'êene veroverienge achter d'andere.

Albrecht en Isabella[bewerkn | brontekst bewerken]

Filips II zocht e vint vo z'n dochter Isabella. Je kôos Albrecht omdat 'n gin andere geschikte kandidoatn vound. Albrecht was e kozyn van Isabella en omdat 'n kardinoal was most 'n toestemmienge krygn van de paus. Filips II gaf under de Lêge Landn cadeau, mo de Noordelikke Nederlandn anveirdn de Spoansche keunienk nie me sedert 1581. Van 1598 tout 1621 regeerdn Albrecht en Isabella soeverein over de Spoansche Nederlandn, mo d'r woarn wel êenigste voorwoardn:

  • On ze gin jounges krêegn kêerdn de Nederlandn were no Spanje
  • eventuele jounges mochtn allêene trouwn met de goekeurienge van de keunienk van Spanje
  • eventuele dochters mochtn allêene mo trouwn me Spoansche prinsn

Albrecht en Isabella woarn styf enthousiast ountvangn deur de bevolkienge van de Zudelikke Nederlandn en ze vestigdn under in 't Paleis ip de Koudnberg in Brussel. Z'haan ook e verbluuf in Mariemont en in Tervuurn, woa dan ze geirn giengn goan joagn.

Ze woarn zot van kunst en under hofschilder was Peter Paul Rubens. Ze goavn ook ipdrachtn an kunstschilders lik Frans Pourbus de Joungern, Otto van Veen, Jan Brueghel den Oudn en Denis van Alsloot.

In 1605 lietn ze de basilieke van Scherpnheuvel bouwn deur architect Wenceslas Cobergher.

Dôod en ipvolgienge[bewerkn | brontekst bewerken]

Olgauwe begost iederêen in te zien dan ze noois gin jounges giengn krygn en in de wienter van 1613-1614 krêeg Albrecht serieuze probleemn me z'n gezoundheid. In meie 1616 wierd er beslist da Filips III hem mocht ipvolgn. Mo Filips III stierf ip 31 moarte 1621, nog vo dat Albrecht loater da zelfste joar stierf. Dus gieng d'ipvolgienge no z'n oudste zeune Filips IV.

Albrecht is begroavn in de Sint-Michiels en Sint-Goedelekathedroale van Brussel in moarte 1622.