Getuugnheuvel

E getuugnheuvel is een heuvel die toogt hoe da 't landschap d'r in vroeger tydn uutzag. Specifiek in Belgie duudt et op e plateau da versnipperd is deur de erôsie van de Schelde e neur zyriviern.

Ontstoan

Getuugnheuvels zyn ontstoan in 't Loat-Mioceen. In deze periode kwam de zêe styf op en lei hêel Vloandern ounder woater. 't Zand die ton is ofezet noemn ze zand van Diest. In dat zand zit er vele glauconiet, en in glauconiet zit er toamelik veel yzer. Ton dat de zêe achter 't Mioceen werekêerde na 't nôordn, begostn de zandn t'oxideern. De roestighied dei 't zand t'hope klittn in yzerzandstêenn. Die yzerzandstêenn kostn nunder beter verweirn teegn de loatere erôsie. En azo kwaam 't landschap mèi die heuvels tout stand.

Vôorbeeldn

Belgie

• Kemmelberg: 't hogste punt van West-Vloandern
• Rôonberg
• Scherpnberg
• Zwortnberg
• Kluusberg
• Pottelberg
• mûziekberg

Vrankryk

• Kasselberg
• Katsberg