Gezellehuis
't Gezellehuis, toe in 2020 Guido Gezellemuseum, is e musee in de Belgische stad Brugge. 't Musee is gewyd an't leevn en werk van de Vlamsche dichter Guido Gezelle (1830-1899), en is gevestigd in zyn geboorteuus. Der zyn ook tydelikke presentoaties over woordkunste.
Ook den of is opengezet vo 't publiek, me doarin centroal 't beeld De man die vuur geeft van Jan Fabre. In dezelstn of ist er ook e biologisch angeleide groenselnof, die de stadsbeweuners moe warm moakn vo biologisch oveniern.