Giovanni di Bicci de' Medici

Van Wikipedia
Giovanni di Bicci de' Medici deur Agnolo Bronzino

Giovanni di Bicci de' Medici (Firenze, 1360 – Firenze, 20 februoari 1429) was de stichter van de Medici-bank en de groundlegger van ‘t familiefortuun van ’t beroemd en machtig geslacht de' Medici uut Firenze. Je was de voader van Cosimo il Vecchio (Pater Patriae) en overgrotvader van Lorenzo de' Medici (il Magnifico).

Zyn leevn[bewerkn | brontekst bewerken]

Giovanni di Bicci was de zeune van Averardo de' Medici van de Cafaggiolo-tak van de familie. Ze woarn nie ryke en achter z’n voaders dôod most ’t bitje geld verdêeld wordn ounder e weeuwe en vuuf zeuns.

J’haad ’n ipleidienge gevolgd ols geldwisseloare en bankier en je begost by z’n nounkel Vieri di Cambio in Rome. Loater in 1393 begost ’n doa mè z’n eign bank, in 1397 in Firenze en in 1406 in Venetië.

Je was e slimmn en bekwoamn bankier met e zocht en vriendelik karakter. Je was gereserveerd, leefde geweune en je stound nie geirn in de belangstellienge.

In 1386 trouwdegt ie me Piccarda Bueri. Under oudste zeune was Cosimo il Vecchio (1389-1464), die de Cafaggiolo-tak vôort zette. Under twidde zeune was Lorenzo il Vecchio (1395-1440). Ie stichtte de Popolani-tak.

Giovanni di Bicci was surtout bankier. Je krêeg economische macht, mo je miek dudelik da polletieke macht hem nie interesseerde. ’t Was zyn zeune Cosimo il Vecchio die van z’n financiële macht gebruuk miek vo polletieke macht te krygn.

In 1410 kwam Giovanni de bankier van de paus. Deurdan de Medici ’n bepoald percentage dêeldegen van de kerkgeldn en gin concurrensje haan, kwoamn ze ryke.

De Medici-stamboom