Cosimo de' Medici den Oudn

Van Wikipedia
Cosimo de' Medici
13891464
portret deur Agnolo Bronzino
Signore (hêre) van Firenze
(de facto)
Periode1434 - 1464
Vôorganger-
IpvolgerPiero I
VoaderGiovanni di Bicci
MoederPiccarda Bueri
Dynastie
Huus Medici
Cosimo Pater Patriae Uffizi, Firenze

Cosimo de' Medici den Oudn (Italioans: il Vecchio), (Firenze, 27 september 1389 - Firenze, 1 ogustus 1464), was den êestn telg van de politieke Medicidynastie in Firenze.

Je regeerde van 1434 tout 1464. Ze goavn hem den titel Pater Patriae (voader van ‘t voaderland).

Cosimo was den oudste zeune van Giovanni di Bicci de' Medici e bankier uut Firenze van wien dat ‘n ’n enorm fortuun erfde.

Je bouwde de Medicibank vôort uut me filioaln in Brugge, Rome, Noapels, Venetië, Genève, Lyon, Bazel, Ancona, Pisa, Milaan en Avignon.

De filioalhouders van de Medici-bank in Brugge woarn Angelo di Jacopo Tani (1450-1465) en Tommaso Portinari (1465-1478).

Cosimo stak enorme bedroagn in de bevorderienge van kunst en cultuur en je trok de bekendste kunstenoars van z’n tyd an, w.o. Luca della Robbia, Brunelleschi, Fra Angelico, Poalo Uccello, Donatello... Andrea del Castagno was zyn favoriete schilder.

Je was de dryvende kracht achter de Renaissance-styl en je steunde de culturele bewegienge die humanisme genoemd wierd.

Den architect Bruneleschi had den ipdracht gekreegn van de basilieke van San Lorenzo in Firenze uut te bouwn. Achter dan de werkn mostn stille geleid wordn deur geldgebrek he Cosimo den bouw gefinancierd. Je liet den architect Michelozzo verschillige landhuuzn en kastêeln bouwn en je was de groundlegger van de bekende Medicibibliotheke. Je gaf ôok grôte bedroagn uut an klôosters en kerkn.

Ip e bepoald moment begost er by sommigte jalouzie te groein. De Albizi vrêesdn van under politieke macht te verliezn. In september 1433 kost Rinaldo degli Albizi ’t gedoan krygn van Cosimo en z’n broere Lorenzo te loatn verbann, mo de zesdn oktober 1434 kostn z’ol werekeern.

Cosimo trouwde me Contessina de' Bardi. Under zeuns woarn:

J'had ôok nog 'n ounwettige zeune met e slavinne, Carlo (ca.1428-1492), die kerkvoogd was.

Achter zyn dôod volgde zyn oudste zeune Piero hem ip, mo ’t was zyn klêenzeune Lorenzo, bygenoamd il Magnifico, die de tradities van mecenas vôortzette.

Wikimedia Commons