Gregorioansche kalender

Van Wikipedia
Paus Gregorius XIII

De gregorioansche kalender, genoemd noa paus Gregorius XIII die hèm in 1582 invoerde, is bykans in al de land'n van de weireld d'n officiële kalender. De gregorioansche kalender is en anpassynge van de julioansche kalender die vodien gebruukt wierd.

In de julioansche kalender is èlk joartal die deilboar is deur 4 e schrikkeljoar. 't Gemiddelde kalenderjoar tèlt doarom exact 365,25 doagn. Moar e tropisch joar deurt à peu près 365,2422 doagn. De julioanschn doatum lopt azo per duusd joar omtrent 7,8 doagn achter ip de zunne. In de Gregorioansche kalender is 't système van schrikkeljoarn angepast vo da problème ip te losn.