Julioansche kalender

Van Wikipedia
Julius Caesar

De julioansche kalender is e zunnekalender die in 't antyke Rome gebruukt wierd. In 45 v.Chr. wierd de kalender ingevoerd deur Julius Caesar en noar hem vernoemd. De kalender wierd in Europa gebruukt moar an 't ènde van de 16e eiwe vervangn deur de Gregorioansche kalender.

E joar is volgns de julioansche kalender gemiddeld èlf minuutn langer of 't tropisch joar. Doardeure lopt de kalender in duusd joar 7,6 doagn achter ip de zunne. In 1582 wierd da gecorrigeerd mèt d' invoerynge van de gregorioansche kalender. 't Verschil tusschn de twèe kalenders zit erin, dat de gregorioansche kalender per 400 joar 3 schrikkeljoarn minder tèlt of de julioansche kalender.