Groede

Van Wikipedia
Naar navigatie springen Jump to search
Holland Groede
Coats of arms of None.svg
Groede wapen.svg
Map - NL - Sluis - Wijk 09 Groede.svg
Groede in de gemêente Sluus
Provinsje Zêeland
Gemêente Sluus
Coördinoatn 51°22′NB 3°30′OL
Ippervlak km²
Inweuners 1030 (2012)
LocatieSluis.png
Gemêente Sluus in Zêeuws-Vloandern

Groede (ofte De Groe in't Zêeuws) es e plekke in 't westn van Zêeuws-Vloandern, geleegn tusschn Nieuwvliet, Ôostburg, Schôondyke en Breskens. 't Dorp wos tout 1970 e zelfstandige gemêente woarachter 't by de gemêente Ôostburg wierd gesmeetn. Sedert de gemêentelyke erindêelienge van 2003 ôort Groede by de gemêente Sluus.

Geschiedenisse[bewerkn | brontekst bewerken]

Koarte van Groede uut 1866

D'oudste vermeldienge van Groede es van't begun van de twoalfde êeuwe; de noame Groede wierd ton enoemd in en ôorkounde van de Gentsche Sint-Pietersabdeye die in't westn van Zêeuws-Vloandern masse ground bezat. De noame 'Groede' es verzekers ofkomstig van grode, woamee z'in de middelêewn e stik angeslibd en begroeid land buutn d'n dyk wilden anduud'n. Verzekers wos de plekke an't begun van de dertiende êeuwe dus vès ipgedolvn gebied. O de nôordkant van Ôostburg woarn em olangsn de toenmoalige kustlynne nateurlykke schorrn an't vormn. Mè de plekke verzekers gin dorpskern a, wierd Groede oundergebrocht by de prochie Ôostburg.

't Nes mo in de vêertiende êeuwe da ter em e center begunt te vormn. In dien tyd bestound er ôok en 'Woaterschap Groede', da zorg moeste droagn voe de lokoale woateruushoudienge. De torre van d'uudige kerke es van de vuuftiende êeuwe.


De geschiedenisse van Groede es, juuste lyk hêel West-Zêeuws-Vloandern, vrêe bepoald deur teffrente ooverstrôomiengn, van nateure of expres deur de mienschn ipgezet. Achter de periode van massa's inpolderienge in de dertiende êeuwe, es't ende van de vêertiende en 't begun van de vuuftiende êeuw e periode van ooverstrôomiengn. De bekendste doavan zyn de Sint-Elisabethsvloed in 1404, 1421 en 1424 en de stormvloed in 1375-1376. Bist den Tachtigjoarign Ôorlog (1568-1648) woarn der vele militaire inundoasjes. Tusschn 1583 en 1612 stound Groede blank. Ollene mo de torre van de kerke wos nog te zie'n. Bist 't Twoalfjoarig Bestand (1609-1621), e rustpoze in de gevecht'n, kwam de streke were ip oasem. In Groede begoestn z'ol rappe mè d'eripbouw: in 1613 wierd'n dykn ebouwd en nog in't zelfste joar stound er ol e nieuwe Woalsche kerke. D'êeste kerkreek'niengn dervan dateern van 1615.

Beziensweirdigeedn[bewerkn | brontekst bewerken]

Wikimedia Commons