Zêeland

Zêeland
Liggienge van Zêeland in Holland
Hoofdstad	Middelburg
Ippervlak totoal	2934 km²
Ippervlak land	1783 km²
Ippervlak woater	1151 km²
Inweuners Bevolkiengsdichtheid	385.000 (2021) 216 inw./km² (land)
Gemêentn	13
Commissoaris van de Keunienk	Han Polman (D66)
Website	www.zeeland.nl

Zêeland (officieel: Zeeland, Zêeuws: Zeêland) is e provincie in 't zuud-westn van Holland met e goeie 385.000 inweuners (2021) ip een totoal ippervlak van 2.934 km². D' hoofdstad is Middelburg en de grotste gemêente is Terneuzn. 't Bestoat uut verskillende schiereilandn, azô wok de noame Zêeland.

't Is e styf uutgestrekt poldergebied dat deur zyn liggienge in de geschiedenisse ol vele deur de zêe ounder woater gezet èt gewist. De latste ki wos in 1953, atr beist zukkn overstromienge 1800 minsn zyn verdronken en mêer of 100 000 under uus kwyt woarn. Ton zyn de Deltawerkn begost: e reke van grôte sluuzn en dyks vo 't woater buutn t'oudn.

Zêeland grenst in 't nôordn an Zuud-Holland, in 't ôostn an Nôord-Broabant en in 't zuudn an Antwerpn, Ôost-Vloandern en West-Vloandern.

Toale

In de provincie koutn ze Zêeuws, e Nederfrankisch dialect. In westelik Zêeuws-Vloandern klappn ze Zêeuws-Vlams, e varioasje van 't West-Vlams. In ôostelik Zêeuws-Vloandern klappn ze Ôost-Vlams.

Ofbeeldiengn

• 

  D' Ôosterskeldekerienge tussn Beveland en Schouwn

• 

  E wordje in de Zêeuwse toale

• 

  Typisch zicht: de meuln in Veere

Gemêentes in Zêeland

Koarte van Zêeland

Zêeland is ipgedêeld in 13 gemêent'n sedert 2003. De gemêent'n met under officiële noame zyn:

1. Borsele 2. Goes 4. Kapelle 5. Middelburg 6. Noord-Beveland 7. Reimerswaal 8. Schouwen-Duiveland 11. Tholen 12. Veere 13. Vlissingen

Gemêentes in Zêeuws-Vloandern: 3. Ulst / Hulst 9. Sluus 10. Terneuzn