Guido van Spoleto

Van Wikipedia
Naar navigatie springen Jump to search
Guido van Spoleto
† 894
Wido rex Italiae.jpg
Armoiries Saint-Empire monocéphale.png
Rôomse keizer
Periode891-894
VôorgangerKarel den Dikkn
(tusschn 888 en 891 vacant)
IpvolgerLambert van Spoleto
Corona ferrea.png
Keunienk van Italië
Periode889-894
VôorgangerBerengar van Friuli
IpvolgerLambert van Spoleto
VoaderGuido I van Spoleto
MoederIda van Benevento

Guido III van Spoleto of Wido, van d'Italioansche familie Guideschi († 12 december 894), was hertog van Spoleto en Camerino van 883. Je was keunienk van Italië van 889 en keizer van 't Rôoms Ryk van 891.

De Guideschi woarn verwant met de Karoliengers in vrouwelyke lyne, want Guido zyn grotvoader Lambert I van Nantes was getrouwd met Adelaide, e dochter van Pepeyn van Italië, die e zeune was van Karel de Grôotn. Under zeune was Guido I van Spoleto.

Guido III was de twidde zeune van Guido I van Spoleto en Ida van Benevento. Zyn oudere broere was Lambert I van Spoleto, voader van Guido II, die in Spoleto ipgevolgd wierd deur zyn nounkel Guido III.

Achter 'n dôod van keizer Karel den Dikkn in 888 ha Guido hem willn ipvolgn in West-Francië mo dat is mislukt. Je kost wel 't gevecht vo ’t keuniengschap van Italië winn teegn Berengar van Friuli by Trebbia. Italië was in een ounstabiele periode gekommn, woarin dan der verschillige 't keuniengschap ipeistn.

Guido wierd in 889 in Pavia tout keunienk gekrôond deur paus Stefanus V en ip 21 februoari 891 tout keizer, tegoare met de krônienge van zyn zeune Lambert II ols keunienk van Italië.

In september 891 stierf paus Stefanus V en most er e nieuwn paus verkoozn wordn. Mo de nieuwn paus, Formosus, stound nie an de kant van de Guideschi. Je was benowd da Spoleto te vele macht krêeg. Guido dwoung hem van zyn zeune Lambert in april 892 te krôonn tout co-keizer.

't Joar derip kost Formosus Arnulf van Karinthië overtuugn vo no Rome te kommn vor Italië te verlossn van de controle van Spoleto. In 894 veroverde Arnulf Italië ten nôordn van de Po. Guido stierf da joar in december.

Vrouwe en jounges[bewerkn | brontekst bewerken]

Guido was getrouwd met Ageltrude, dochter van Adelchis van Benevento. Under jounges woarn:

't Hertogdom Spoleto