Lambert van Spoleto

Van Wikipedia
Naar navigatie springen Jump to search
Lambert van Spoleto
ca.880-898
Armoiries Saint-Empire monocéphale.png
Rôomse keizer
Periode892-898
van 896 betwist deur :
Arnulf van Karinthië
VôorgangerGuido van Spoleto
IpvolgerArnulf van Karinthië
Corona ferrea.png
Keunienk van Italië
Periode891-898
van 896 betwist deur :
Arnulf van Karinthië en
Berengar van Friuli
VôorgangerGuido van Spoleto
IpvolgerArnulf van Karinthië
VoaderGuido van Spoleto
MoederAgeltrude

Lambert van Spoleto, van d'Italioansche familie Guideschi (ca. 880 – 15 oktober 898), was hertog van Spoleto en Camerino van 894. Je was keunienk van Italië van 891 en keizer van 't Rôoms Ryk van 892 tegoare me zyn voader Guido van Spoleto.

In 891 wierd ie in Pavia deur paus Stefanus V tout keunienk van Italië gekrôond, 't zelfste joar da zyn voader keizer kwam.

In september 891 stierf paus Stefanus V en most er e nieuwn paus verkoozn wordn. Mo de nieuwn paus, Formosus, stound nie an de kant van de Guideschi. Je was benowd da Spoleto te vele macht krêeg. Keizer Guido dwoung hem van zyn zeune Lambert in april 892 te krôonn tout co-keizer. Mo 't joar derip kost Formosus Arnulf van Karinthië overtuugn vo no Rome te kommn vor Italië te verlossn van de controle van Spoleto. In 894 veroverde Arnulf Italië ten nôordn van de Po. Keizer Guido stierf da joar in december en Lambert volgde zyn voader ip.

Italië was in een ounstabiele periode gekommn, woarin dan der verschillige 't keuniengschap ipeistn. Me Berengar van Friuli en Arnulf van Karinthië was Lambert standvastig in oorloge vo 't keuniengschap.

In 896 liet Arnulf zyn eign in Pavia erkenn tout keunienk van Italië en wierd Lambert ofgezet. Doar achter vertrok Arnulf no Rome, woa da paus Formosus hem ip 22 februoari 896 krôonde tout keizer. Die kronienge wierd in 898 deur paus Johannes IX oungeldig verkloard.