HSC Dionysus
HoogStudentenClub Dionysus of HSC Dionysus is e studentnclub van Ostende en omstreekn. Ierdeure behoorn ze toe e streekclub van 't SK Ghendt. De kleurn van Dionysus zyn geel en zwart. Dedee zyn ook were te viendn in 't schild, woar da ook de god Dionysus op stoat. De clubavond is elke dunderdag in under clubcafé, de Confrater.
Geschiedenis[bewerkn | brontekst bewerken]
Dionysus werd in 1982 opgericht deur Serge Dauchy, Johan De Vos en Ralf De Roo. In aal die joarn gebeurde der veel, mo 't meest bekende is toch wel de vatrollienge. Dat is e (vul=zwoar) vat da gerold wordt van Ostende noa Gent. Da wierd voe 't èèst in '85-'86 gedoan. Doarachter wierd da herhaald in '87-'88, '89-'90. Doarachter wierd beslist da nie azo moa te doen, mo op elke 5de lustrumverjoardag. En zo geschiedde. In '96-'97, '01-'02, '06-'07 en '11-'12 wierd da vat ook gerold. Ook in moarte 2017 eze da vatje van Ostende no Gent gerold en derachter wast serieus gank in den Overpoort nateurlijk.
Vatrollienge[bewerkn | brontekst bewerken]
Gelik ierboven vermeld, is de vatrollienge wel èèn van de grotste gebeurtenissn in de geschiedenis van Dionysus, die nu ooke om de 5 joar (5de lustrumverjoardag) opnieuw deuregoat. Me die activiteit wordt e symbolische link gemakt tusschn de stad van erkomst, Ostende, en de stad woarin da alle leedn tegoare studeern, Gent. 't Eèste vat wierd in '85-'86 gerold oender leidienge van Ralph Deroo, medestichter en toenmalige Praeses. Da in samenwerkienge met de Brouwerij Rodenbach.
Twee joar loater nodigden ze de Studentnclub Rodenbach uut voe mee te doen. Rodenbach vertrok uut Roeseloare en Dionysus uut Ostende. Ter oogte van Drongen kwaamn ze tegoare voe de latste kilometers noa Gent tegoare of te leggen, en in het toenmalige café Den Bolhoed wierdn de twee voatn, Wiel's en Rodenbach, genuttigd.
In '88-'90 organiseerde Johan Vande Ryse de derde vatrollienge. Dendeen startte op de Zèèdyk in Ostende neffest de weunplekke van de medestichter Ralph Deroo. Ook deze ki was 't een vat Rodenbach.
De 4e vatrollienge gebeurde pas op de derde lustrumverjoardag en wierd georganiseerd deur Dirk Crombez (Praeses '94-'95 & '95-'96), Nick Van Der Hooft (vice Praeses '93-'94) en Jan Lacluyse (Clovis). Deze ki volgdn ze e nieuwe route, dien van Alken-Maes. In '01-'02 en ook de vierde lustrum was Clovis (zedenmeester- schachtntemmer '97-'98 & secretaris '01-'02) de gelukkign voe hêel 't gebeurn te leiden. Toen kwam 't gebeurn live op Radio 2, in 't doagelijks nieuws van AVS en stoend et zelfs in e poar gazetten.
In '11-'12 wierd de geweunte heraald, met e vat Rodenbach vertrokken ze om 23:59:59 stipt an El Charro ('t casino) oender leidienge van Waut (de toenmalige Praeses) en Gregory (lustrumleider en prosenior). Achter de lange tocht, met ier en doar een rustpauze kwaamn ze om 19u an in Sint-Kwintinsberg voe de latste kwellienge (van de talryk anwezige schachtn). Ton nog e fotoshoot en deurerollen noa de Bierologie van Bjorn woar dat er nateurlik nog mèèr Rodenbach gedroenken wierd.
Clublied[bewerkn | brontekst bewerken]
Torre van Ostende
Leve de torre van Ostende
j'is geboren in z'n emde
j'is geboren in de mostoartpot
en j'e gin hoar op z'n kletsekop.
oane moane
stukker de kroane
pimpaljoene leerze
potje kadéé
oender de zee
danst de pimpernelletjes.
Leve de torre van Ostende
je kud'em zien al woar je blende
kloarder dan de moane op e kletsekop in brand
der is gin één lanteere die an uze torre kant.
oane moane
stukker de kroane
pimpaljoene leerze
potje kadee
oender de zee
danst de pimpernelletjes.
Dio Vivat[bewerkn | brontekst bewerken]
Achter e poar moeilikke joarn is HSC Dionysus were op de goeie weg oender leidienge van Praeses Bram Verdonck. Zo et de club zelfs in de joarlikse sportcompetitie van 't SK e derde plekke veroverd dankzy de Sport Praeses Simon Liekens. Ook werft de club mèèr en mèèr schachtn an die under loatn oentgroenen om azo de club nog mèèr te loatn groein.